जम्मू आणि काश्मीरमधील (Ayushman Bharat Scheme Fraud) अनंतनाग येथे प्रधानमंत्री जन आरोग्य योजना (पीएम-जेएवाय) आणि सेहत योजनेशी संबंधित एक मोठा घोटाळा उघडकीस आला आहे. अनंतनाग येथील शासकीय वैद्यकीय महाविद्यालयात (जीएमसी) १०३ हृदय शस्त्रक्रिया करण्यात आल्या, त्यापैकी जवळपास निम्म्या शस्त्रक्रियांची गरज नव्हती. या घटनेनंतर, हृदयरोग विभागाचे सहयोगी प्राध्यापक डॉ. सय्यद मकबूल अहमद शाह यांना निलंबित करण्यात आले आहे. (Ayushman Bharat Scheme Fraud)
माध्यमांच्या वृत्तानुसार, एका ऑडिट अहवालात १०३ हृदयरुग्णांची नोंद आहे ज्यांच्यावर ड्युअल-चेंबर पेसमेकर बसवण्यात आला होता. या संशयित प्रकरणांपैकी ५५ प्रकरणांच्या तपासात असे उघड झाले की, यापैकी २७ रुग्णांना, या प्रक्रियेची गरज नव्हती कारण त्यांची हृदये सामान्यपणे कार्य करत होती. हे प्रकरण उघडकीस आल्यानंतर आरोग्य आणि वैद्यकीय शिक्षण विभागाने कारवाई केली. विभागाचे आयुक्त-सचिव एम. राजू यांनी जारी केलेल्या आदेशानुसार, हृदयरोग विभागाचे सहयोगी प्राध्यापक डॉ. मकबूल यांना निलंबित करण्यात आले. विभागाने आरोप केला आहे की, डॉ. मकबूल यांनी खोटे अहवाल सादर करून आयुष्मान भारत आरोग्य योजनेअंतर्गत सरकारी निधीची फसवणूक करण्याचा प्रयत्न केला. (Ayushman Bharat Scheme Fraud)
मोफत उपचार असूनही शुल्क आकारले
याव्यतिरिक्त, अनंतनाग येथील या सरकारी रुग्णालयात अनेक अनियमितता उघडकीस आल्या आहेत. काही रुग्णांकडून मोफत उपचार घेऊनही शुल्क आकारण्यात आले. एका प्रकरणात, पीर रफीक अहमद या रुग्णाने तक्रार केली की, त्यांना एका खासगी कंपनीला ७०,००० रुपये देण्यास भाग पाडले गेले. या घटनेमुळे सरकारी रुग्णालयाची खासगी कंपन्यांसोबतची संगनमतही उघडकीस आली. फसवणूक विरोधी पथकाच्या तपासादरम्यान, खरेदीच्या काही नोंदी सादर केल्या गेल्या नाहीत, ज्यामुळे पुरावे दडपल्याचा संशय निर्माण झाला आहे. (Ayushman Bharat Scheme Fraud)
Join Our WhatsApp Community