Ind A vs SL A, Tri Series : वैभव आणि लंकन खेळाडूमध्ये नेमकं काय घडलं, व्हीडिओतून आलं समोर

• ऋजुता लुकतुके

भारत अ आणि श्रीलंका अ यांच्यात दांबुला येथे झालेल्या तिरंगी मालिकेतील सामन्यानंतर युवा फलंदाज वैभव सूर्यवंशी (Vaibhav Sooryavanshi) आणि श्रीलंकेच्या खेळाडूंमधील वाद चांगलाच चर्चेत आला. सुरुवातीला वैभवने पराभवाच्या निराशेतून प्रतिक्रिया दिल्याचे मानले जात होते. मात्र आता समोर आलेल्या नव्या व्हिडीओमुळे या वादामागचे खरे कारण स्पष्ट झाले आहे.

सामना अत्यंत रोमांचक झाला होता. दोन्ही संघांनी निर्धारित ५० षटकांत समान धावसंख्या उभारल्याने निकाल टाय लागला. त्यानंतर झालेल्या सुपर ओव्हरमध्ये श्रीलंका अ संघाने भारत अ वर मात केली. पराभवानंतर श्रीलंकेचे खेळाडू मैदानावर जल्लोष करत असताना वैभव अचानक संतापलेला दिसला. (Ind A vs SL A, Tri Series)

नव्या व्हिडीओमध्ये श्रीलंकेच्या काही खेळाडूंनी विजय साजरा करताना वैभवच्या अगदी जवळ येऊन आक्रमक पद्धतीने प्रतिक्रिया दिल्याचे दिसत आहे. त्यानंतर वैभवनेही प्रत्युत्तर दिले आणि दोन्ही बाजूंमध्ये शाब्दिक चकमक सुरू झाली. काही खेळाडूंनी वैभवला चिडवण्याचा प्रयत्न केल्याचेही व्हिडीओत दिसून येत असल्याचा दावा करण्यात आला आहे. (Ind A vs SL A, Tri Series)

(हेही वाचा – Pune Water Shortage : पुण्यात कधी येणार पाणी? सम-विषम तारखेनुसार पाणी कपातीचे नवे वेळापत्रक जारी )

घटना घडताच पंच आणि दोन्ही संघांतील वरिष्ठ खेळाडूंनी हस्तक्षेप केला. त्यामुळे परिस्थिती अधिक चिघळली नाही. काही क्षणांच्या वादानंतर दोन्ही खेळाडूंना वेगळे करण्यात आले आणि प्रकरण शांत झाले.

या सामन्यात वैभवची कामगिरीही समाधानकारक होती. त्याने १४ चेंडूंत २१ धावा केल्या. चांगल्या सुरुवातीनंतर एक षटकार आणि २ चौकार ठोकून तो बाद झाला. जम बसल्यानंतर मोठी धावसंख्या उभारण्यात तो अपयशी ठरला. त्यामुळे पराभवाची निराशा आणि त्यानंतर झालेली चिथावणी या दोन्ही गोष्टींचा परिणाम या वादावर झाल्याचे मानले जात आहे. (Ind A vs SL A, Tri Series)

दरम्यान, या घटनेबाबत अद्याप कोणतीही अधिकृत शिस्तभंगाची कारवाई जाहीर करण्यात आलेली नाही. मात्र सोशल मीडियावर व्हिडीओ व्हायरल झाल्यानंतर चाहत्यांमध्ये यावर मोठी चर्चा सुरू आहे. काहींनी वैभवच्या प्रतिक्रियेचे समर्थन केले आहे, तर काहींनी मैदानावर संयम राखण्याचा सल्ला दिला आहे. (Ind A vs SL A, Tri Series)

एकूणच, सुरुवातीला वैभवचा संताप विनाकारण वाटत असला तरी नव्या व्हिडीओमधून त्यामागे प्रतिस्पर्धी खेळाडूंची चिथावणी कारणीभूत असल्याचे चित्र समोर आले आहे. त्यामुळे या घटनेकडे आता वेगळ्या दृष्टीकोनातून पाहिले जात आहे. (Ind A vs SL A, Tri Series)

हेही पहा –