भारतीय संगीत क्षेत्रातील दिग्गज पार्श्वगायिका आशा भोसले (Asha Bhosle) यांच्या चाहत्यांसाठी एक चिंताजनक बातमी समोर आली आहे. शनिवारी, ११ एप्रिल २०२६ ला संध्याकाळी आशा भोसले यांना हृदयविकाराचा तीव्र झटका आला. अस्वस्थ वाटू लागल्याने आणि डोकेदुखीचा त्रास जाणवू लागल्याने त्यांना तातडीने मुंबईतील ब्रीच कँडी रुग्णालयात (Breach Candy Hospital) दाखल करण्यात आले. वयाची ९० वर्षे ओलांडलेल्या आशाताईंची प्रकृती अचानक बिघडल्याने वैद्यकीय वर्तुळात आणि चित्रपटसृष्टीत मोठी खळबळ उडाली आहे. (Asha Bhosle)
(हेही वाचा – Makarand Jadhav-Patil : प्रकल्पग्रस्तांच्या सातबाऱ्यावर आता हक्काचा ‘सूर्योदय’; वारसांच्या संघर्षाला पूर्णविराम)
अतिदक्षता विभागात उपचार सुरू
रुग्णालय प्रशासनाने दिलेल्या प्राथमिक माहितीनुसार, आशा भोसले यांना शनिवारी रात्री साडेसातच्या सुमारास रुग्णालयात आणण्यात आले. त्यांच्यावर सध्या अतिदक्षता विभागात (ICU) तज्ज्ञ डॉक्टरांच्या देखरेखीखाली उपचार सुरू आहेत. डॉ. प्रतीत समदानी (Dr. Pariti Samdani) यांच्या मार्गदर्शनाखाली त्यांच्या प्रकृतीवर बारकाईने लक्ष ठेवले जात आहे. त्यांना केवळ हृदयविकाराचाच नव्हे, तर श्वास घेण्यासही त्रास होत असल्याचे समजते. रुग्णालयाबाहेर आता माध्यमांची आणि चाहत्यांची मोठी गर्दी जमली असून प्रत्येकाच्या नजरा त्यांच्या प्रकृती सुधारण्याच्या वृत्ताकडे लागल्या आहेत.
(हेही वाचा – भारतीय सैन्याची ताकद वाढणार! आता थेट शेतकऱ्यांकडून खरेदी; संरक्षण मंत्री Rajnath Singh यांची मोठी घोषणा)
कुटुंबाची शांतता आणि चाहत्यांची प्रार्थना
या घटनेनंतर भाजपा नेते आशिष शेलार (Ashish Shelar) यांनी रुग्णालयात जाऊन त्यांच्या प्रकृतीची विचारपूस केली आहे. मात्र, आशा भोसले यांच्या कुटुंबीयांकडून अद्याप कोणतेही अधिकृत पत्रक प्रसिद्ध करण्यात आलेले नाही. गेल्या ७० वर्षांहून अधिक काळ आपल्या स्वरांनी जगाला मंत्रमुग्ध करणाऱ्या आशाताई लवकर बऱ्या व्हाव्यात यासाठी सोशल मीडियावर प्रार्थनेचा ओघ सुरू झाला आहे. संगीत क्षेत्रातील अनेक मान्यवरांनी आणि कलाकारांनी त्यांच्या आरोग्यासाठी शुभेच्छा दिल्या आहेत.
हेही पहा –
Join Our WhatsApp Community