- ऋजुता लुकतुके
भारतीय टेनिस स्टार रोहन बोपान्नाने मियामी ओपन २०२४ चे पुरुष दुहेरीचे विजेतेपद जिंकून इतिहास रचला आहे. वयाच्या ४४व्या वर्षी एटीपी मास्टर्स १००० विजेतेपद पटकावणारा बोपान्ना सर्वात वयस्कर खेळाडू ठरला. त्याने स्वत:चाच विक्रम मोडला, जो त्याने गेल्या वर्षी इंडियन वेल्सचे विजेतेपद जिंकून प्रस्थापित केला होता. (Rohan Bopanna)
शनिवारी खेळल्या गेलेल्या अंतिम फेरीत बोपान्ना आणि त्याचा ऑस्ट्रेलियन जोडीदार मॅथ्यू एबडॉन यांनी क्रोएशियाचा इव्हान डोडिक आणि अमेरिकेचा ऑस्टिन क्रॅजिसेक या जोडीचा पराभव केला. विजेतेपदाच्या लढतीत या भारत-ऑस्ट्रेलियन जोडीने ६-७, ६-३ आणि १६-१० असा विजय मिळवला. (Rohan Bopanna)
आणि या विजयाबरोबरच बोपान्नाने दुहेरीच्या जागतिक क्रमवारीत अव्वल स्थान परत मिळवलं आहे. (Rohan Bopanna)
https://t.co/uB8Rz3xqE7@rohanbopanna is back at the top of the ATP Rankings 🙌🏽
— Indian Tennis Daily (ITD) (@IndTennisDaily) April 1, 2024
(हेही वाचा – RBI 90th Anniversary: आरबीआय भारताला वैश्विकस्तरावर घेऊन जाऊ शकतं, पंतप्रधानांनी व्यक्त केला विश्वास)
बोपान्ना-एबडॉन जोडीने राखले वर्चस्व कायम
रोहन बोपान्नाने यावर्षी जानेवारीत ऑस्ट्रेलियन ओपनचे विजेतेपद पटकावले होते. ४३ वर्षीय बोपान्ना त्याचा ऑस्ट्रेलियन जोडीदार मॅथ्यू एबडॉनसह वर्षातील पहिल्या ग्रँड स्लॅमच्या पुरुष दुहेरीत चॅम्पियन बनला. यासह, बोपान्नाने पहिले पुरुष दुहेरी ग्रँडस्लॅम विजेतेपद जिंकले आणि खुल्या युगात असे करणारा तो सर्वात वयस्कर खेळाडू ठरला. (Rohan Bopanna)
भारतीय-ऑस्ट्रेलियन जोडीने रॉड लेव्हर एरिना येथे इटलीच्या सिमोन बोलेली आणि अँड्रिया वावसोरी यांचा ७-६, ७-५ असा सरळ सेटमध्ये पराभव केला. जवळपास दीड तास चाललेल्या अंतिम सामन्यात बोपान्ना-एबडॉन जोडीने वर्चस्व कायम राखले. बोपान्नाच्या कारकिर्दीतील हे दुसरे ग्रँडस्लॅम जेतेपद ठरले. (Rohan Bopanna)
ऑस्ट्रेलियन ओपन २०२४ हे रोहन बोपान्नाचे दुसरे ग्रँडस्लॅम विजेतेपद होते. यापूर्वी २०१७ मध्ये तिने कॅनडाच्या गॅब्रिएला डॅब्रोव्स्कीसोबत फ्रेंच ओपनमध्ये मिश्र दुहेरीचे विजेतेपद पटकावले होते. तो यूएस ओपनमध्ये पुरुष दुहेरीत, २०१० मध्ये पाकिस्तानच्या ऐसाम-उल-हक कुरेशी आणि २०२३ मध्ये अब्दॉनसह दोनदा उपविजेता होता. (Rohan Bopanna)
हेही पहा –
Join Our WhatsApp Community