World Population Day 2024 : कधी आणि का साजरा केला जातो जागतिक लोकसंख्या दिन?

124
World Population Day 2024 : कधी आणि का साजरा केला जातो जागतिक लोकसंख्या दिन?
World Population Day 2024 : कधी आणि का साजरा केला जातो जागतिक लोकसंख्या दिन?

जागतिक लोकसंख्या दिन (World Population Day 2024) दरवर्षी ११ जुलै रोजी साजरा केला जातो. जागतिक लोकसंख्या दिनाद्वारे आपल्याला लोकसंख्या वाढीशी संबंधित समस्यांबद्दल जागरूक होण्यासाठी आणि त्यावर उपाय शोधण्यासाठी प्रेरणा दिली जाते. या दिनानिमित्त प्रत्येकजण चांगल्या आणि संतुलित भविष्याकडे वाटचाल करण्याची शपथ घेतात. (World Population Day 2024)

युनायटेड नेशन्स डेव्हलपमेंट प्रोग्रामच्या गव्हर्निंग कौन्सिलला जागतिक लोकसंख्या दिनाच्या माध्यमातून जगात प्रचलित असलेल्या प्रजनन समस्या कमी करायच्या आहेत. वाढत्या लोकसंख्येमुळे सुमारे ८०० महिलांचा मुलाला जन्म देताना मृत्यू होत असल्याचेही दिसून आले आहे. त्यामुळे जागतिक लोकसंख्या दिन साजरा करणे अत्यंत आवश्यक आहे. जागतिक लोकसंख्या दिन ही एक संधी आहे की जर आपण या ग्रहावरील प्रत्येक व्यक्तीच्या सामर्थ्याचा उपयोग केला, तर आपण २०३० च्या शाश्वत विकासाच्या मदतीने समृद्ध, शांत आणि शाश्वत भविष्य साध्य करू शकतो. (World Population Day 2024)

(हेही वाचा- Ashadhi Wari 2024 : पंढरपूर यात्रेदरम्यान घाटाच्या सुरक्षेसाठी काय उपाययोजना केल्या? हायकोर्टाचा प्रशासनाला सवाल)

जागतिक लोकसंख्या दिनाची (World Population Day 2024) सुरुवात संयुक्त राष्ट्र विकास कार्यक्रमाद्वारे ११ जुलै १९८९ रोजी करण्यात आली. ११ जुलै १९८७ रोजी जागतिक लोकसंख्येने ५ अब्ज एवढा टप्पा ओलांडला. हा दिवस साजरा करण्यामागचा उद्देश लोकसंख्या वाढीशी संबंधित समस्यांबद्दल जागरूकता वाढवणे आणि त्या सोडवण्यासाठी पावले उचलणे असा होता. सध्या जगाची लोकसंख्या सुमारे ८ अब्जांपेक्षा जास्त आहे. (World Population Day 2024)

वाढलेली लोकसंख्या ही कोणत्याही देशासाठी डोकेदुखी असते. सध्या भारत आणि चीनची लोकसंख्या संपूर्ण जगात सर्वाधिक आहे. लोकसंख्या वाढीचे सर्वात महत्त्वाचे कारण म्हणजे जन्मदर आणि मृत्यूदरातील अनियमितता. सध्या भारतात आणि जगभरात जन्मदर मृत्यूदरापेक्षा जास्त आहे, त्यामुळे लोकसंख्या वाढत आहे. अल्पसंख्याक समजल्या जाणार्‍या लोकांचा विशेषतः लोकसंख्या वाढीत मोठा वाटा आहे आणि ही भारताची मोठी समस्या आहे. उच्च जन्मदराची मुख्य कारणे म्हणजे धर्मांधता, एकाधिक निकाह (लग्न), दोनपेक्षा अधिक मुले, निरक्षरता इ. (World Population Day 2024)

(हेही वाचा- Pune News : पुण्यावर रात्रीच्या वेळी ड्रोनची नजर, नेमकं काय आहे प्रकरण?)

लोकसंख्या नियंत्रण आणि लोकसंख्या वाढीशी संबंधित धोरणे तयार करण्यासाठी आणि त्यांची अंमलबजावणी करण्यासाठी सरकार आणि संस्थांद्वारे प्रोत्साहन दिले जाते. त्यामुळे झपाट्याने वाढणाऱ्या लोकसंख्येच्या परिणामांबद्दल जागरुकता निर्माण केली पाहिजे. तसेच नैसर्गिक संसाधनांचा योग्य वापर आणि संवर्धन करणे महत्त्वाचे. महिला आणि मुलांचे आरोग्य, कुटुंब नियोजन आणि लैंगिक समानता यासारख्या महत्त्वाच्या मुद्द्यांवर लक्ष केंद्रित केले गेले पाहिजे. (World Population Day 2024)

हेही पहा- 

Join Our WhatsApp Community
Get The Latest News!
Don’t miss our top stories and need-to-know news everyday in your inbox.