- ऋजुता लुकतुके
स्कोडा कंपनीच्या (Skoda Company) ऑक्टेविया या लोकप्रिय सेडान कारमध्ये कंपनीने काही बदल करून फेसलिफ्ट व्हर्जन बाजारात आणलं आहे. ऑक्टेविया मॉडेल मागची २० वर्ष भारतात होतं. त्यानंतर ते कंपनीने बंद केलं. आता फेसलिफ्ट व्हर्जन भारतात नेमकं कधी येईल हे कंपनीने स्पष्ट केलेलं नाही. इतर सर्व गाड्यांप्रमाणेच ऑक्टेवियामध्येही पुढे आणि पाठच्या बाजूला आता एलईडी दिवे असतील. आणि १४ इंचांचा एक मोठा डिजिटल डिस्प्लेही या गाडीत असेल. या डिस्प्लेमध्ये कृत्रिम बुद्धिमत्तेवर (artificial intelligence) आधारित फिचर हे नवीन गाडीचं वैशिष्ट्य असेल. (Skoda Octavia RS iV)
गाडीत चालकाच्या शेजारी बसवण्यात आलेला नवीन फोनबॉक्स १५ वॅट क्षमतेने फोनचं वेगवान चार्जिंग करू शकतो. हा फोनबॉक्स एअर कंडिशन्ड आहे. कारण जास्त क्षमतेनं फोन चार्ज करताना तयार होणारी उष्णता तो कमी करतो. गाडीत बसवलेले युएसबी पोर्टही आधुनिक आणि जास्त क्षमतेचे आहेत. गाडीचं इंजिन जुनंच म्हणजे १.५ लीटरचं टर्बोचार्ज इंजिन आहे. पण, त्याची क्षमता वाढवण्याच्या दृष्टीने कंपनीने प्रयत्न केले आहेत. (Skoda Octavia RS iV)
Skoda Octavia RS iV Plug-In Hybrid To Launch In India In Late 2023 https://t.co/B0OptyU1uE via @gaadiwaadi
— Mohd Faizan🌠 (@faizan6ix) December 30, 2022
(हेही वाचा – Manoj Jarange : उच्च न्यायालयाच्या आदेशानंतर मनोज जरांगे यांच्यावर उपचार चालू)
गाडीची किंमत इतक्या लाख रुपयांपर्यंत
ऑक्टेविया आरएस स्पोर्ट्स कार (RS sports car) सारखी दिसेल अशी काळजी घेण्यात आली आहे. गाडीत चालकाच्या समोरही १० इंचांचा डिस्प्ले आहे. आणि गाडीत चालकाला मदत करणारी क्रूझ कंट्रोल यंत्रणाही आहे. तर प्रवाशांच्या सुरक्षेसाठी या गाडीत मागे बसलेल्या प्रवाशांसाठीही एअरबॅगची सोय करण्यात आली आहे. (Skoda Octavia RS iV)
याशिवाय टायरमध्ये हवेचा दाब किती आहे, मागे बसवण्यात आलेला कॅमेरा, अगदी चालक झोपाळलेला असेल तरी त्याचा इशारा या गाडीतील यंत्रणा देऊ शकेल. ही गाडी स्टँडर्ड ५ स्पीड गिअर किंवा ६ स्पीड गिअरमध्ये उपलब्ध होईल. आणि गाडीची किंमत ही ४५ लाख रुपयांपर्यंत असेल असा अंदाज आहे. (Skoda Octavia RS iV)
हेही पहा –
Join Our WhatsApp Community