Nirmala Sitharaman : सेल्स गर्ल ते देशाच्या अर्थमंत्री; वाचा निर्मला सीतारामन यांचा प्रवास

226
Nirmala Sitharaman : सेल्स गर्ल ते देशाच्या अर्थमंत्री; वाचा निर्मला सीतारामन यांचा प्रवास
Nirmala Sitharaman : सेल्स गर्ल ते देशाच्या अर्थमंत्री; वाचा निर्मला सीतारामन यांचा प्रवास

अर्थमंत्री निर्मला सीतारामन 1 फेब्रुवारीला आपला सहावा अर्थसंकल्प सादर करणार आहेत. या वेळी अर्थमंत्री अंतरिम अर्थसंकल्प सादर करतील. (Nirmala Sitharaman) यंदा त्या माजी पंतप्रधान मोरारजी देसाई (Morarji Desai) एका विक्रमाची बरोबरी करतील. मोरारजी देसाई यांनी सलग 5 पूर्ण अर्थसंकल्प आणि एक अंतरिम अर्थसंकल्प सादर केला होता. त्यांच्या विक्रमाशी निर्मला सीतारामन यंदा बरोबरी करतील. निर्मला सीतारामन या पहिल्या पूर्णवेळ महिला अर्थमंत्री (Women Finance Minister) आहेत, ज्यांनी पाच पूर्ण अर्थसंकल्प सादर केले आहेत.

(हेही वाचा – Naxalites Attack : छत्तीसगडमध्ये CRPF कॅम्पवर नक्षलवाद्यांचा हल्ला; 3 जवान हुतात्मा)

राजकीय पार्श्वभूमी नाही

देशाच्या अर्थव्यवस्थेची काळजी घेणाऱ्या अर्थमंत्री निर्मला सीतारामन यांचा राजकारणाशी पूर्वी कोणताही संबंध नव्हता. त्या राजकीय कुटुंबातील नाहीत. तमिळनाडूतील (Tamil Nadu) एका सामान्य कुटुंबातून आलेल्या निर्मला यांनी सेल्स गर्ल म्हणून आपल्या कारकिर्दीची सुरुवात केली होती; परंतु त्यांनी भाजपामध्ये प्रवेश केला आणि अतिशय कमी कालावधीत त्या देशाच्या अर्थमंत्री बनल्या.

अर्थशास्त्रात पदवी आणि पदव्युत्तर शिक्षण जवाहरलाल नेहरू विद्यापीठात

निर्मला सीतारामन यांचा जन्म 18 ऑगस्ट 1959 रोजी तमिळनाडूतील एका अत्यंत साध्या कुटुंबात झाला. त्यांचे वडील रेल्वेत काम करायचे, त्यामुळे वारंवार बदल्या होत असत. परिणामी निर्मलाजींचे शिक्षण वेगवेगळ्या शहरांमध्ये चालू राहिले. तिने तमिळनाडूतील तिरुचिरापल्ली येथून अर्थशास्त्रात पदवी पूर्ण केली आणि नंतर पदव्युत्तर शिक्षणासाठी दिल्लीच्या जवाहरलाल नेहरू विद्यापीठात (JNU) गेल्या. त्यांनी इंडो-युरोपियन कापड व्यापार या विषयात पीएचडी केली. येथेच त्यांची डॉ. परकाला प्रभाकर यांच्याशी भेट झाली. त्यानंतर त्यांनी प्रभाकर यांच्याशी लग्न केले.

(हेही वाचा – केंद्रीय अर्थमंत्री होण्याचा मान मिळालेले महाराष्ट्रातील नेते)

लंडनमध्ये केली सेल्स गर्लची नोकरी

त्यांचे पती शिक्षणासाठी लंडनला गेले, तेव्हा निर्मला देखील त्याच्यासोबत लंडनला गेल्या. या काळात निर्मला यांनी तेथील घर सजावटीच्या दुकानात सेल्स गर्ल म्हणून काम केले. नंतर त्या लंडनमधील कृषी अभियंते संघटनेत सहभागी झाल्या. त्यांनी प्राइस वॉटरहाऊस नावाच्या कंपनीत वरिष्ठ व्यवस्थापक म्हणूनही काम केले. त्यानंतर त्या भारतात परतल्या आणि हैदराबादमधील सेंटर फॉर पब्लिक पॉलिसीमध्ये उपसंचालक म्हणून काम केले.

2008 मध्ये भाजपमध्ये प्रवेश

परकाला प्रभाकर यांचे आई-वडील प्रसिद्ध काँग्रेस राजकारणी होते. मात्र, त्यांनी कधीही आपली विचारधारा आपल्या मुलांवर लादली नाही. काँग्रेसची कौटुंबिक पार्श्वभूमी असूनही निर्मला सीतारामन यांनी 2008 मध्ये भाजपमध्ये प्रवेश केला. त्यांना पक्षाचा प्रवक्ता बनवण्यात आले. त्यांच्या धाडसी प्रतिमेमुळे त्यांची लोकप्रियता वाढली. 2014 मध्ये जेव्हा केंद्रात भाजपचे सरकार स्थापन झाले, तेव्हा मोदी सरकारमध्ये त्यांना मोठी जबाबदारी मिळाली. 2016 मध्ये मंत्रिमंडळाच्या विस्तारात त्यांना भारताच्या वाणिज्य आणि उद्योग राज्यमंत्री (स्वतंत्र प्रभार) पदाची जबाबदारी मिळाली.

भाजपने सप्टेंबर 2017 मध्ये त्यांना संरक्षण मंत्रीपदाची जबाबदारी निर्मला सीतारामन यांच्याकडे सोपवली. 2019 मध्ये त्यांना पूर्णवेळ अर्थमंत्रीपदाची जबाबदारी देण्यात आली. निर्मला या भाजप सरकारचा कणा आहेत.

दरमहा 1,00,000 रुपये पगार

कॅबिनेट मंत्री म्हणून अर्थमंत्र्यांना दरमहा 1,00,000 रुपये पगार मिळतो. याशिवाय मतदारसंघ भत्ता 70,000 रुपये, कार्यालय भत्ता 60,000 रुपये आणि आतिथ्य भत्ता 2,000 रुपये आहे. याशिवाय बंगला, कर्मचारी, कार यांसारख्या सर्व सुविधा उपलब्ध आहेत. त्यांच्याकडे 99,36,000 लाख रुपयांचे घर आणि 16,02,000 लाख रुपयांची बिगर कृषी जमीन आहे. त्याच्याकडे एक स्कूटर, 7,87,500 लाख रुपयांचे सोने आणि 80,000 रुपयांची चांदी आहे. (Nirmala Sitharaman)

हेही पहा – 

Join Our WhatsApp Community
Get The Latest News!
Don’t miss our top stories and need-to-know news everyday in your inbox.