मुंबईत ‘नो हॉंकिंग डे’; विनाकारण हॉर्न वाजविल्यावर होणार कारवाई

152
मुंबईत 'नो हॉंकिंग डे'; विनाकारण हॉर्न वाजविल्यावर होणार कारवाई
मुंबईत 'नो हॉंकिंग डे'; विनाकारण हॉर्न वाजविल्यावर होणार कारवाई

मुंबई पोलिसांच्या वाहतूक नियंत्रण शाखेने ध्वनी प्रदूषण आणि त्याचा सार्वजनिक आरोग्यावर होणारा हानीकारक परिणाम या समस्येवर उपाय म्हणून महत्त्वपूर्ण पाऊल उचलले आहे. वाहनांच्या हॉर्नच्या अनावश्यक वापराला आळा घालण्याच्या उद्देशाने बुधवारी म्हणजेच १४ जून रोजी ‘नो हाँकिंग डे’ पाळण्याची घोषणा केली आहे. ध्वनी प्रदूषणामुळे पर्यावरण आणि मानवी आरोग्य या दोघांनाही हानी पोहोचत असल्याने पोलीस वाहनचालकांनी हॉर्न वाजवण्यापासून दूर राहून या उपक्रमाला सकारात्मक प्रतिसाद देण्याचे आवाहन करण्यात आले आहेत.

(हेही वाचा – Online Gaming : आता ‘या’ प्रकारचे ऑनलाईन गेम होणार बंद; केंद्रीय माहिती तंत्रज्ञान राज्यमंत्री राजीव चंद्रशेखर यांची घोषणा)

ध्वनी प्रदूषण नियमांचे पालन सुनिश्चित करण्यासाठी, मुंबई वाहतूक पोलिसांनी सर्व वाहन चालकांना त्यांच्या वाहनांचे हॉर्न केंद्रीय मोटार वाहन नियम, १९८९ च्या नियम ११९ मध्ये निर्दिष्ट केलेल्या मार्गदर्शक तत्त्वांची पूर्तता करत असल्याची खात्री करण्याचा सल्ला दिला आहे. उल्लंघन करणाऱ्यांना त्यांच्या वाहनांचे हॉर्न वाजवताना त्यांना वाहतूक पोलिसांच्या कारवाईला सामोरे जावे लागेल. विनाकारण हॉर्न वाजविल्यावर मोटार वाहन कायदा आणि पर्यावरण संरक्षण कायदा अंतर्गत कारवाई करण्यात येणार आहे.

ध्वनी प्रदूषण कमी करण्यासाठी प्रसिद्ध वकील आणि ‘आवाज फाऊंडेशन’च्या संस्थापक सुमैरा अब्दुलाली यांनी पोलिसांच्या या उपक्रमाचे मनापासून स्वागत केले आहे. ‘आवाज फाऊंडेशन’ने पोलिसांसोबत सहकार्य केले असून, अनावश्यक हॉर्न वाजवण्यामुळे होणाऱ्या दुष्परिणामांवर अभ्यास केला आहे. अब्दुलाली यांनी या प्रकरणाची तीव्रता आणि सातत्यपूर्ण कारवाईचे महत्त्व सांगून हा उपक्रम आणखी वाढवावा, असे आवाहन केले.

हेही पहा – 

Join Our WhatsApp Community
Get The Latest News!
Don’t miss our top stories and need-to-know news everyday in your inbox.