देशाची अर्थव्यवस्था सुधारतेय! जीडीपी एवढ्या टक्क्यांनी वाढला

चालू आर्थिक वर्षाच्या दुसऱ्या तिमाहीत भारताचे सकल देशांतर्गत उत्पादन (GDP) 8.4 टक्के दराने वाढले आहे. मंगळवारी प्रसिद्ध झालेल्या अधिकृत आकडेवारीत ही माहिती देण्यात आली आहे. गेल्या आर्थिक वर्षाच्या दुसऱ्या तिमाहीतील या आकडेवारीची तुलना केल्यास, जीडीपीच्या वाढीत सुधारणा झाली आहे. गेल्या आर्थिक वर्षाच्या दुसऱ्या तिमाहीत, कोरोना महामारीमुळे जीडीपी वाढीत 7.4 टक्केची घट झाली होती.

म्हणून वाढला जीडीपी 

देशाची अर्थव्यवस्था दुसऱ्या तिमाहीत 8.4 टक्के दराने वाढली. हा विकास दर सर्व अंदाजानुसार राहिला. सकल देशांतर्गत उत्पादनात (जीडीपी) सलग चौथ्या तिमाहीत वाढ झाली आहे. अर्थव्यवस्थेत सुधारणा होण्याचे सर्वात मोठे कारण म्हणजे खासगी उपभोग आणि गुंतवणुकीत झालेली सुधारणा. वारंवार लसीकरण, कमी व्याजदर यामुळेही सेंटिमेंटमध्ये सुधारणा दिसून आली.

जीडीपीची वाढ 7.9 टक्के असणार

ऑक्टोबरमध्ये 8 प्रमुख उद्योगांची वाढ 7.5 टक्के होती. यामध्ये सर्वात जास्त वाढ नैसर्गिक वायूची होती, जी 25.8% होती. कोळसा 14.6%, रिफायनरी उत्पादने 14.4% आणि सिमेंट 11.3% वाढला. वीज, पोलाद आणि खतांमध्येही वाढ झाली. तथापि, कच्च्या तेलाच्या वाढीत 2.2% घट झाली. रिझर्व्ह बँक ऑफ इंडिया (आरबीआय) ने वास्तविक जीडीपीची वाढ 7.9 टक्के असू शकते असे म्हटले आहे.

 ( हेही वाचा:  …तर देशाचा विनाश अटळ! रणजीत सावरकर यांनी का दिला इशारा? )