Bangladesh Cylinder Blast : बांगलादेशची राजधानी ढाक्याच्या उपनगरातील अशुलिया परिसरात रविवार, 20 सप्टेंबरच्या रात्री मोठी दुर्घटना घडली. जमगोरा इंडस्ट्रियल भागात एका कव्हर्ड व्हॅनमधील LPG सिलेंडरचा स्फोट झाला. या स्फोटांमध्ये 6 जणांचा मृत्यू, तर किमान 20 जण जखमी झाले. स्फोटानंतर लागलेल्या आगीत जवळची गारमेंट फॅक्टरी आणि परिसरातील काही वाहनेही आगीच्या भक्ष्यस्थानी पडली.
सिलेंडरचा स्फोट अन् परिसरात खळबळ
मिळालेल्या माहितीनुसार, फॅक्टरीच्या वापरासाठी LPG सिलेंडर कव्हर्ड व्हॅनमधून उतरवले जात होते. त्याचवेळी सिलेंडरमध्ये स्फोट झाले. हे स्फोट इतके शक्तिशाली होते की, त्यातील एक सिलेंडर सुमारे 200 गज दूर जाऊन पडला.
स्फोटानंतर जमगोरा परिसरात भीषण आग लागली. संध्याकाळी सुमारे 6:45 वाजता लागलेल्या या आगीने आसपास उभ्या असलेल्या 5 ते 6 वाहनांना आपल्या कवेत घेतले. आगीच्या ज्वाळा गारमेंट फॅक्टरीपर्यंत पोहोचल्या. (Bangladesh Cylinder Blast)
कव्हर्ड व्हॅनमध्ये सापडले 5 मृतदेह
अशुलिया पोलिसांनी रात्री उशिरा आग आटोक्यात आणल्यानंतर परिसरात शोधमोहीम सुरू केली. रात्री सुमारे 11:15 वाजता कव्हर्ड व्हॅनमध्ये 5 जणांचे मृतदेह आढळले. या मृतांची ओळख त्यावेळी पटलेली नव्हती.
या दुर्घटनेत जैनब नावाच्या 55 वर्षीय महिलेचाही मृत्यू झाला. त्या गाझीपूरमधील काशिमपूर येथील मोहम्मद अली यांच्या पत्नी होत्या. जैनब आपल्या मुलगी संजीदा अख्तर हिला भेटण्यासाठी आल्या होत्या. संजीदा घटनास्थळापासून सुमारे 200 गज अंतरावर असलेल्या टेलरच्या दुकानात काम करतात. (Bangladesh Cylinder Blast)
जैनब दुकानाच्या आत उभ्या असताना स्फोट झाल्याने एक सिलेंडर टिनचे छत फाडून थेट त्यांच्या डोक्यावर आदळला. या दुर्घटनेत त्यांचा जागीच मृत्यू झाला. घटनास्थळी उपस्थित अधिकाऱ्यांनी दिलेल्या माहितीनुसार, हा अपघात जमगोरा येथील प्रिटी ग्रुपशी संबंधित इंडस्ट्रियल परिसरात झाला.
26 जणांना रुग्णालयात दाखल
DEपीजेड फायर सर्व्हिसचे वेअरहाउस इन्स्पेक्टर सोमन बरुआ यांनी सांगितले की, फॅक्टरीमध्ये वापरण्यासाठी आणलेले सिलेंडर कव्हर्ड व्हॅनमधून उतरवले जात असताना आग लागली. (Bangladesh Cylinder Blast)
हेही वाचा: Muslim : कर्नाटकात मुसलमानांच्या विरोधामुळे श्री गणेशमूती विसर्जन मिरवणुकीचा मार्ग बदलला
अशुलिया महिला आणि बाल रुग्णालयाचे व्यवस्थापक हारून-उर-रशीद यांनी सांगितले की, 26 जणांना रुग्णालयात आणण्यात आले. यातील बहुतांश लोक फॅक्टरीच्या आसपासचे भाजीविक्रेते आणि पादचारी होते.
गंभीररीत्या भाजलेल्या 2 जणांना पुढील उपचारांसाठी ढाका मेडिकल कॉलेज रुग्णालयात हलवण्यात आले आहे. दुर्घटनेनंतर परिसरात मोठी खळबळ उडाली असून, स्फोटाची तीव्रता आणि त्यानंतर लागलेल्या आगीमुळे मोठे नुकसान झाले. (Bangladesh Cylinder Blast)
हेही पाहा:
Join Our WhatsApp Community