सरकारी नोकरी करणाऱ्या तरूणांसाठी एक आनंदाची बातमी आहे. भारतीय विमानतळ प्राधिकरण (AAI) मध्ये नोकरीच्या शोधात असलेल्या तरुणांसाठी सुवर्णसंधी आहे. भारतीय विमानतळ प्राधिकरणाने (AAI) विविध पदांसाठी अर्ज मागवले आहेत. भारतीय विमानतळ प्राधिकरणाने मागवेल्या अर्जांवर परिक्षेशिवाय नियुक्ती करण्यात येणार असल्याचे सांगितले जात आहे. एअरपोर्ट अथॉरीटी ऑफ इंडियाच्या अधिकृत वेबसाईटवर यासंदर्भात नोटिफिकेशन प्रसिद्ध करण्यात आले असून पदासाठी लागणारी शैक्षणिक पात्रता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे.
(हेही वाचा – BEL Recruitment 2022: सरकारी नोकरीची मोठी संधी; 90 हजारांपर्यंत पगार)
AAI ने उत्तर-पूर्व विभागातील जमीन व्यवस्थापन म्हणजेच भूमि प्रबंधन आणि अग्निशमन सेवा विभागांमध्ये ही रिक्त पदे भरण्यासाठी अर्ज आमंत्रित केले आहेत. या पदांसाठी अर्ज करू इच्छिणारे इच्छुक आणि पात्र उमेदवार AAI च्या अधिकृत वेबसाइट aai.aero वर जाऊन अर्ज करू शकतात. या पदांसाठी अर्ज प्रक्रिया आधीच सुरू झाली आहे. या भरती अंतर्गत, भारतीय विमानतळ प्राधिकरण एकूण 12 रिक्त पदे भरणार आहे. या भरतीशी संबंधित अधिक माहितीसाठी, उमेदवार AAI द्वारे जारी केलेली अधिसूचना तपासू शकतात, ज्याची लिंक येथे दिली आहे. अग्निशमन सेवा विभागासाठी अधिसूचनेद्वारे अधिकृत अधिसूचना तपासून आणि जमीन व्यवस्थापन विभागासाठी अधिसूचना तपासू शकतात.
अर्ज करण्यासंदर्भातील महत्त्वाची तारीख
भूमि प्रबंधन या पदासाठी 29 एप्रिल 2022 पर्यंत इच्छुक उमेदवारांना अर्ज करता येणार आहे. तर अग्निशमन विभागामध्ये कन्सल्टंट या पदासाठी 28 एप्रिलपर्यंत अर्ज करता येणार आहे.
इतक्या पदांची होणार भरती
- इम्फाळ आणि आगरतळा येथील जमीन व्यवस्थापन विभागाच्या सल्लागारासाठी – 2 पदे
- अग्निशमन सेवा विभागातील कनिष्ठ सल्लागारासाठी – 10 पदे
किती असणार पगार
भारतीय विमानतळ प्राधिकरणाच्या वतीने, भू-व्यवस्थापन विभागाच्या सल्लागार पदासाठी निवडलेल्या उमेदवारांना दरमहा 1 लाख रुपयांपर्यंत वेतन दिले जाईल. त्याचबरोबर अग्निशमन सेवा विभागाच्या कनिष्ठ सल्लागार पदासाठी निवड झालेल्या उमेदवारांना दरमहा 50 हजार रुपये वेतन दिले जाणार आहे.
Join Our WhatsApp Community