Indian Railway ही इंडिगोप्रमाणे थांबणार? लोको पायलटच्या मागण्यांमुळे प्रवाशांची चिंता वाढली 

इंडिगो सध्या देशात मोठ्या संकटाचा सामना करत आहे. उड्डाणे रद्द होणे, प्रवाशांची कोंडी, बुकिंग रद्द करणे, लगेज परत करणे अशा समस्यांचा कंपनीला सामना करावा लागत आहे. अशातच या समस्या रेल्वेलाही (Indian Railway) भेडसावू शकतात, अशी परिस्थिती आहे. कारण आता लांब पल्ल्याच्या रेल्वे चालवणारे लोको पायलट आता कामाच्या निश्चित वेळेचा आग्रह धरत आहेत.

इंडिगो संकटानंतर सरकारने एअरलाइन वैमानिकांसाठी कठोर नियम मंजूर केले असल्याने, सुरक्षिततेच्या कारणास्तव, रेल्वेनेही (Indian Railway) अशीच वैज्ञानिक कार्य प्रणाली स्वीकारली पाहिजे, अशी मागणी होऊ लागली आहे. तथापि, वैमानिकांच्या मागण्या पूर्ण झाल्या असतील तर रेल्वेसाठीही लोको पायलट आग्रही राहतील.

लोको पायलटांनी सरकारकडे मागणी केली आहे की, त्यांचेही  ड्युटीचे तास सहा तासांपर्यंत मर्यादित करावेत, त्यांना प्रत्येक ड्युटीनंतर १६ तासांचा निश्चित विश्रांतीचा कालावधी मिळावा आणि त्यांना साप्ताहिक सुट्टीचा दिवसही निश्चित असावा. सुरक्षिततेसाठी हे आवश्यक आहे असे त्यांचे मत आहे. परंतु जर वाटाघाटी थांबल्या आणि कर्मचाऱ्यांनी आंदोलन केले तर याचा थेट परिणाम ट्रेनवर होऊ शकतो. गाड्यांचा विलंब, रद्दीकरण आणि वेळापत्रक गडबडू शकते. जसे इंडिगोच्या संकटामुळे देशभरातील हजारो उड्डाणे रद्द झाली आहेत. २००० हून अधिक उड्डाणे रद्द करण्यात आली आहेत. जर रेल्वेच्या लोको पायलटच्या मागण्या पूर्ण झाल्या नाही, परिस्थिती आणखी बिकट झाली, तर देशातील सर्वात मोठ्या प्रवासी सेवा प्रणालीवर परिणाम होऊ शकतो, ज्यामुळे लाखो प्रवाशांवर परिणाम होऊ शकतो. (Indian Railway)

(हेही वाचा नेहरूंनी Vande Mataram चे तुकडे केले, इंदिरा गांधींनी जेलमध्ये टाकले…; संसदेत काय म्हणाले अमित शाह?)

ऑल इंडिया लोको रनिंग स्टाफ असोसिएशन (AILRSA) यांचे म्हणणे आहे की, ते गेल्या अनेक वर्षांपासून मानवी शरीराच्या क्षमतेनुसार त्यांच्या कर्तव्यांचे निर्धारण करण्याची मागणी करत आहेत. लोको पायलट म्हणतात की, त्यांना कधीकधी सतत १० ते १२ तास काम करावे लागते. रात्रीच्या लांब शिफ्ट, ओव्हरटाइम आणि नियोजित विश्रांतीशिवाय वारंवार प्रवास केल्याने ते मानसिक आणि शारीरिकदृष्ट्या थकतात. थकलेला लोको पायलट केवळ स्वतःची सुरक्षाच नाही तर हजारो प्रवाशांच्या जीवालाही धोका निर्माण करतो. इंडिगो प्रकरणात, पायलटच्या थकव्याला गांभीर्याने घेतले गेले आणि FRMS सारख्या यंत्रणेची मागणी करण्यात आली. या आधारे, रेल्वे पायलट म्हणत आहेत की, दुहेरी निकष नसावेत. त्यांची मागणी आहे की रेल्वेने देखील वैज्ञानिक आणि सुरक्षित कार्य प्रणालीवर आधारित नियम स्थापित करावेत. (Indian Railway)

AILRSA ने स्पष्टपणे सांगितले की, जेव्हा सरकारी किंवा सार्वजनिक क्षेत्रातील कर्मचारी त्यांची परिस्थिती सुधारण्यासाठी मागणी करतात तेव्हा त्यांना शिक्षा केली जाते. त्यांच्यावर कारवाई केली जाते. तथापि, जेव्हा इंडिगोसारख्या मोठ्या खाजगी कंपन्या सुरक्षा नियमांना आव्हान देतात तेव्हा सरकार त्यांच्या बाजूने असल्याचे दिसून येते. असोसिएशनचा आरोप आहे की, इंडिगोने वैमानिकांच्या विश्रांती आणि ड्युटीच्या वेळेबाबतच्या नियमांचे उल्लंघन केले असूनही, सरकारने उदारता दाखवली आहे.  (Indian Railway)