Skill development : राज्यातील २० शासकीय औद्योगिक प्रशिक्षण संस्थां (I.T.I.) मध्ये अत्याधुनिक प्रयोगशाळा उभारण्याचा निर्णय घेण्यात आला आहे. यासोबतच सूक्ष्म-लघु उद्योजकांसाठी प्रशिक्षण, उद्योजक मेळावे आणि दिव्यांग विद्यार्थ्यांचे तांत्रिक शिक्षण व रोजगार संधी वाढवण्यासाठी कौशल्य, रोजगार, उद्योजकता व नावीन्यता विभागाने तीन महत्त्वपूर्ण सामंजस्य करार केले आहेत. मुख्यमंत्री देवेंद्र फडणवीस (CM Devendra Fadnavis) यांच्या उपस्थितीत मंत्रालयात हे करार संपन्न झाले. (Skill development)
दुसऱ्या करारात महाराष्ट्र राज्य नावीन्यता सोसायटी आणि पुण्यातील देआसरा फाउंडेशन (Deasara Foundation) यांनी उद्योजकता वाढवण्यासाठी हातमिळवणी केली. यात ५,००० सूक्ष्म-लघु उद्योजकांना प्रशिक्षण, मार्गदर्शन आणि मेळाव्यांद्वारे व्यवसाय व्यवस्थापन, विपणन आणि आर्थिक साक्षरतेचे धडे दिले जातील.
(हेही वाचा – Cabinet Decision 2025 : मंत्रीमंडळात ७ महत्त्वपूर्ण निर्णय; आता, नगराध्यक्षांना बहुमताने हटवणार)
तिसऱ्या करारात व्यवसाय शिक्षण व प्रशिक्षण संचालनालय आणि प्रोजेक्ट मुंबई (Project Mumbai) यांनी आय.टी.आयमधील दिव्यांग विद्यार्थ्यांसाठी विशेष कौशल्य प्रशिक्षण, सांकेतिक भाषेतील अभ्यासक्रम आणि ऑन-द-जॉब प्रशिक्षणासाठी पाचसदस्यीय समिती स्थापन केली आहे. यावेळी उपमुख्यमंत्री एकनाथ शिंदे (DCM Eknath Shinde), अजित पवार, मंत्री मंगल प्रभात लोढा (Minister Mangal Prabhat Lodha) आणि वरिष्ठ अधिकारी उपस्थित होते. या करारांमुळे राज्यातील कौशल्य विकासाला चालना मिळेल, अशी अपेक्षा आहे.
हेही पहा –