परभणी जिल्ह्यातील मानवत तालुक्यातून एक अत्यंत धक्कादायक आणि हृदयद्रावक घटना समोर आली आहे. प्रसिद्ध श्रीक्षेत्र यशवाडी येथील हनुमान मंदिराच्या नव्या सभामंडपाचे बांधकाम सुरू असताना अचानक पिलरसह छताचा मोठा भाग कोसळला. शनिवारचा दिवस असल्याने मंदिरात दर्शनासाठी तसेच कीर्तन आणि महाप्रसादासाठी पंचक्रोशीतील हजारो भाविकांची मोठी गर्दी जमली होती. या दुर्घटनेमुळे संपूर्ण परिसरात एकच गोंधळ आणि भीतीचे वातावरण निर्माण झाले असून अनेक निष्पाप नागरिक यात अडकले आहेत. (Parbhani Temple Collapse)
(हेही वाचा – Nimbalkar Murder Case : ‘ओमराजेंचा विश्वासघात झाला, पण ठाकरे ठरवतील पुढची दिशा’; अनिल देसाईंचे सूचक विधान)
अचानक कोसळले छत आणि बचावकार्याला वेग
दुपारच्या सुमारास अचानक मंदिरासमोरील नव्याने बांधण्यात येत असलेल्या सभागृहाचा पिलर पत्त्यांसारखा कोसळला आणि मोठा आवाज झाला. ढिगाऱ्याखाली जवळपास तीस ते चाळीस भाविक अडकल्याची प्राथमिक माहिती समोर येत आहे. घटनेचे गांभीर्य ओळखून मानवत पोलीस ठाण्याचे अधिकारी आपल्या पथकासह तातडीने घटनास्थळी दाखल झाले आहेत. स्थानिक ग्रामस्थांच्या आणि युवकांच्या मदतीने मलब्याखाली अडकलेल्या लोकांना बाहेर काढण्याचे काम अत्यंत वेगाने सुरू असून जखमींना उपचारासाठी जवळील रुग्णालयात पाठवले जात आहे.
(हेही पहा – Tuljapur : तुळजाभवानी मंदिराच्या दर्शन व्यवस्थेत मोठे बदल; काय आहेत नवीन नियम, घ्या जाणून )
लोकप्रतिनिधींकडून दुःख व्यक्त आणि प्रशासनाला निर्देश
या भीषण दुर्घटनेनंतर परभणीचे खासदार संजय जाधव आणि आमदार डॉक्टर राहुल पाटील यांनी तीव्र दुःख व्यक्त केले आहे. ही घटना अत्यंत सुन्न करणारी असून बाधितांच्या मदतीसाठी प्रशासन पूर्ण ताकदीने उभे असल्याचे लोकप्रतिनिधींनी सांगितले. जिल्ह्यातील पालकमंत्री मेघना बोर्डीकर यांनीही या परिस्थितीची गंभीर दखल घेत तात्काळ क्रेन आणि रुग्णवाहिका घटनास्थळी पाठवण्याचे निर्देश जिल्हाधिकाऱ्यांना दिले आहेत. मदतकार्य पूर्ण झाल्यानंतरच जखमींची आणि बाधितांची अचूक आकडेवारी स्पष्ट होऊ शकेल.
(हेही वाचा – निकालाने सुन्न झालेल्या Omraje Nimbalkar यांनी दिली पहिली प्रतिक्रिया; म्हणाले…)
रुग्णवाहिका घटनास्थळी दाखल
जखमींना तातडीने रुग्णालयात हलवण्यासाठी अनेक रुग्णवाहिका घटनास्थळी पोहोचल्या असून तातडीच्या वैद्यकीय मदतीचे कार्य सुरू आहे. या दुर्घटनेमुळे यशवाडी परिसरात हळहळ व्यक्त होत असून भाविकांच्या नातेवाईकांनी घटनास्थळाकडे आणि रुग्णालयांकडे धाव घेतली आहे.
हेही पहा –