आज शारदीय नवरात्रोत्सवाचा शेवटचा दिवस म्हणजे नवमी आहे. (Mahanavami 2025) उत्तर भारतात नवरात्रीतील महानवमीला विशेष महत्त्व असते, तर महाराष्ट्रात या दिवशी खंडेनवमी (Khandenavami) साजरी केली जाते. महाराष्ट्रात काही ठिकाणी खंडेनवमीला, तर काही ठिकाणी दसऱ्याला शस्त्रपूजन केले जाते. जाणून घेऊया काय आहे या दिवसाचे महत्त्व ?
(हेही वाचा – Western Railway : पश्चिम रेल्वे मार्गावरील प्रवाशांसाठी आनंदवार्ता! 7 नवी स्थानकं उभारणार)
खंडेनवमी का साजरी केली जाते ?
देवतांकडून मिळालेल्या शक्तींचा दुरुपयोग करून महिषासुराने तिन्ही लोकांत दहशत माजवली होती. या उन्मत्त असुराचा वध करण्यासाठी देवी दुर्गेने अवतार घेतला. देवी आणि महिषासुराचे प्रचंड युद्ध सुरु झालं. हे युद्ध नऊ दिवस चाललं आणि अखेर दहाव्या दिवशी देवीने महिषासुराचा वध केला. देवीने महिषासुरावर विजय मिळवला म्हणून विजयादशमी साजरी केली जाते. पण हे दोन्ही सण एकाच दिवशी येत असल्यामुळे लोकं याला एकच सण समजून साजरा करतात. याच दिवशी रामाने रावणावर आणि देवीने महिषासुरावर विजय मिळवला आणि युद्धानंतर स्वतःचे शस्त्र हातातून त्यागले होते. त्यामुळे दसऱ्याच्या दिवशी शस्त्रपूजा करण्याची परंपरा आहे.
महानवमीच्या दिवशी उत्तर भारतात कन्यापूजनाचा उत्साह
शारदीय नवरात्रीचा अंतिम दिवस म्हणजेच महानवमी आज संपूर्ण देशभरात मोठ्या उत्साहात साजरा केला जात आहे. या दिवशी माँ दुर्गेच्या नवव्या स्वरूपाची म्हणजेच माता सिद्धिदात्रीची पूजा केली जाते. असे मानले जाते की, महानवमीला विधीपूर्वक पूजन केल्याने भक्तांना जीवनात सिद्धी, यश आणि सुख-समृद्धी प्राप्त होते. नवरात्रीचे नऊ दिवस विशेष महत्त्वाचे मानले जातात, परंतु नवमी तिथीला विशेषतः कन्या पूजन आणि हवन आयोजित करून माता प्रसन्न करण्याची प्रथा आहे. या दिवशी केलेल्या धार्मिक कार्यांचे फळ अनेक पटीने वाढते. महानवमीला देवीची आराधना, हवन, कन्या पूजन केले जाते. नवमी तिथीनंतर पारण करून व्रताचा समारोप केला जातो.
महानवमीवरील कन्या पूजनाचे महत्त्व
नवरात्रीच्या नवमी तिथीला कन्या पूजनाला विशेष महत्त्व आहे. मान्यता आहे की, कन्यांमध्ये स्वतः देवी दुर्गेचा वास असतो. त्यांना भोजन आणि भेटवस्तू दिल्यास माता दुर्गा अत्यंत प्रसन्न होतात आणि साधकाला त्यांच्या कृपेने प्रत्येक कार्यात यश मिळते.
देवी सिद्धीदात्रीची पूजा
मूल मंत्र: ॐ देवी सिद्धिदात्र्यै नमः
दुर्गा मंत्र: या देवी सर्वभूतेषु शक्तिरूपेण संस्थिता ।
नमस्तस्यै नमस्तस्यै नमस्तस्यै नमो नमः ॥
हवन मंत्र: ॐ ऐं ह्रीं क्लीं चामुंडायै विच्चे स्वाहा
नवरात्रि व्रताचे पारण कधी करावे?
नवरात्रिच्या (Navratri 2025) नऊ दिवसांचे व्रत करणारे भक्त नवमी तिथीला माता सिद्धिदात्रीची पूजा व कन्या पूजन केल्यानंतर पारण करू शकतात. याशिवाय नवरात्रि व्रताचे पारण दशमीला सूर्योदयानंतरही केले जाऊ शकते. दशमीच्या दिवशी नवरात्रि व्रताचे पारण करणारे भक्त २ ऑक्टोबर, गुरुवार रोजी सकाळी ०६ वाजून १५ मिनिटांनंतर पारण करू शकतात.
दसर्याच्या दिवशीही पारण करता येते
नवरात्रि व्रताचे पारण दशहर्याच्या दिवशीही केले जाऊ शकते. नवमीच्या दिवशी पारंपरिक स्वरूपात पारण अधिक प्रचलित आहे, तर दशहर्याचा दिवसही धार्मिक व आध्यात्मिक दृष्ट्या अत्यंत शुभ मानला जातो. (Mahanavami 2025)
हेही पहा –
Join Our WhatsApp Community