Bomb Threat: इंडिगोच्या विमानात बॉम्ब असल्याची धमकी, प्रवाशांनी खिडकीतूनच उड्या मारल्याचा VIDEO व्हायरल

उड्डाण करण्यापूर्वी इंडिगोच्या क्रूला विमानाच्या शौचालयात "बॉम्ब" शब्द लिहिलेली एक चिठ्ठी सापडली, असे घटनास्थळी असलेल्या विमान सुरक्षा अधिकाऱ्याने सांगितले.

214
Bomb Threat: इंडिगोच्या विमानात बॉम्ब असल्याची धमकी, प्रवाशांनी खिडकीतूनच उड्या मारल्याचा VIDEO व्हायरल

दिल्लीहून वाराणसीला जाणाऱ्या इंडिगोच्या विमानात बॉम्ब असल्याची धमकी देण्यात आली होती. विमानाला तपासणीसाठी आयसोलेशन बेमध्ये हलवण्यात आले आहे. विमान सुरक्षा आणि बॉम्ब निकामी करणारे पथक सध्या घटनास्थळी दाखल झाले आहे. बॉम्बची धमकी मिळाल्यानंतर इंडिगोच्या क्रूने अलर्ट जारी केला आणि प्रवाशांना विमानातून उतरण्याची विनंती केली. काही प्रवाशांनी आपत्कालीन गेटवरून तर काहींनी फ्लाइटच्या खिडकीतून खाली उड्या मारायला सुरुवात केली, अशी माहिती विमानतळाच्या अधिकाऱ्यांनी एएनआय या वृत्तवाहिनीला दिली. (Bomb Threat)

मंगळवारी, (२८ मे) पहाटे ५.३५ वाजता दिल्लीहून वाराणसीला जाणाऱ्या फ्लाइटमध्ये बॉम्ब असल्याच्या दिल्लीहून वाराणसीला जाणाऱ्या इंडिगोच्या विमानात बॉम्ब असल्याची बातमी मिळाली. विमानाला तपासणीसाठी आयसोलेशन बेमध्ये हलवण्यात आले आहे. विमान सुरक्षा आणि बॉम्ब निकामी करणारे पथक सध्या घटनास्थळी आहे, असे विमानतळाच्या अधिकाऱ्याने एएनआयला सांगितले. क्यूआरटी घटनास्थळी पोहोचले. सर्व प्रवाशांना आपत्कालीन दरवाजातून बाहेर काढण्यात आले. सर्व प्रवासी सुरक्षित आहेत, विमानाची तपासणी केली जात आहे, अशी माहिती दिल्ली अग्निशमन दलाने दिली. (Bomb Threat)

इंडिगो फ्लाइट 6E2211 ला दिल्ली विमानतळावर बॉम्बची विशिष्ट धमकी मिळाली होती. सर्व आवश्यक प्रोटोकॉलचे पालन करण्यात आले आणि विमानतळ सुरक्षा एजन्सींच्या मार्गदर्शक सूचनांनुसार विमान दूरच्या खाडीत नेण्यात आले. सर्व प्रवाशांना आपत्कालीन मार्गाने सुरक्षितपणे बाहेर काढण्यात आले. विमानाची सध्या तपासणी सुरू आहे. सर्व सुरक्षा तपासण्या पूर्ण झाल्यानंतर, विमान टर्मिनल परिसरात परत ठेवले जाईल, असे इंडिगो ने सांगितले.

सीआयएसएफच्या एका वरिष्ठ अधिकाऱ्याने सांगितले की, “दिल्ली विमानतळावर इंडिगो फ्लाइट 6E2211च्या लॅव्हेटरीमध्ये ‘बॉम्ब’ असा शब्द लिहिलेला टिश्यू पेपर सापडला होता, ज्यामुळे सुरक्षा यंत्रणांनी तपासणी करण्यास सांगितले होते”

उड्डाण करण्यापूर्वी इंडिगोच्या क्रूला विमानाच्या शौचालयात “बॉम्ब” शब्द लिहिलेली एक चिठ्ठी सापडली, असे घटनास्थळी असलेल्या विमान सुरक्षा अधिकाऱ्याने सांगितले. क्यूआरटी घटनास्थळी पोहोचले. सर्व प्रवाशांना आपत्कालीन दरवाजातून बाहेर काढण्यात आले. सर्व प्रवासी सुरक्षित आहेत, विमानाची तपासणी केली जात आहे, अशी माहिती दिल्ली अग्निशमन दलाने दिली.

हेही पहा – 

Join Our WhatsApp Community

Get The Latest News!
Don’t miss our top stories and need-to-know news everyday in your inbox.