ट्रकचालकांचा प्रवास सुलभ होण्यासाठी रस्ते वाहतूक आणि महामार्ग मंत्रालयाकडून नवीन नियमावलीची अंमलबजावणी (Trucks Mandatory AC Cabins) करण्यात येणार आहे. १ ऑक्टोबर २०२५ आणि त्यानंतर बनवलेल्या एन-2 आणि एन-3 श्रेणीच्या वाहनांच्या केबिनमध्ये वातानुकूलन (एसी) बसवणे अनिवार्य आहे, असे मंत्रालयाने शुक्रवारी रात्री जारी केलेल्या राजपत्रात म्हटले आहे.
देशातील ट्रकची दुरावस्था लक्षात घेता, भारत सरकारने सर्व ट्रकमध्ये वातानुकूलित केबिन अनिवार्य केले आहेत. रस्ते वाहतूक मंत्रालयाने एक सूचना जारी केली आहे की, २०२५ पासून सर्व नवीन ट्रकमध्ये चालकांना फॅक्टरी-फिटेड वातानुकूलित केबिन असणे अनिवार्य असेल. गेल्या ५ वर्षांत अनेक प्रयत्नांनंतर सरकारने अखेर अंमलबजावणीच्या तारखेबाबत निर्णय घेतला आहे.
(हेही वाचा – Article 370 रद्द करण्याचा निर्णय वैध की अवैध ? सुप्रीम कोर्टात आज निकाल)
अधिसूचनेनुसार, वातानुकूलन प्रणालीसह सुसज्ज केबिनची चाचणी अधिसूचित ऑटोमोटिव्ह मानकांनुसार केली जाईल. यामध्ये एन2 आणि एन3 श्रेणीतील व्यावसायिक वाहनांचा समावेश असेल. या मानकांमुळे ट्रक उत्पादकांना एसी प्रणालीसह केबिनसह चेसिस विकण्याचा मार्गही मोकळा होईल. सध्या ट्रक बॉडी बिल्डर्स फिट आहेत. त्यामुळे ट्रकच्या डॅशबोर्डसह वातानुकूलित केबिनमध्ये बदल करावे लागतील. त्यामुळे ट्रक उत्पादक कंपन्यांना हे केबिन स्वतःच बसवावे लागतील. यामुळे वाहनाच्या बॉडी बिल्डर्सची केबिनमध्ये बसण्याची गरज दूर होईल. 2020 मध्ये एका नॉन – प्रॉफिटेबल ऑर्गनायझेशनने १० राज्यांमधील ट्रक चालकांचे सर्वेक्षण केले होते. ज्यामध्ये निम्म्याहून अधिक ट्रकचालकांनी ते थकलेले किंवा झोपेत असताना ते ट्रक चालवलत असल्याचे मान्य केले आहे.
एन2 आणि एन3 श्रेणीतील वाहने कोणती आहेत?
एन २ कॅटेगरी – या श्रेणीमध्ये ३.५ टनांपेक्षा जास्त आणि १२ टनांपेक्षा कमी वजन असलेल्या अवजड वस्तूंच्या वाहनांचा समावेश आहे.
एन ३ कॅटेगरी – एन३ श्रेणीमध्ये १२ टनांपेक्षा जास्त वजन असलेल्या अवजड वस्तूंच्या वाहनांचा समावेश आहे.
हेही पहा –
Join Our WhatsApp Community