ममता दीदीला निरोप देण्याची वेळ आली; Amit Shah यांचा हल्लाबोल

पश्चिम बंगाल निवडणुकीचा प्रचार जोर धरत आहे. एका जाहीर सभेला संबोधित करताना केंद्रीय गृहमंत्री अमित शाह (Amit Shah) यांनी पश्चिम बंगालच्या मुख्यमंत्री ममता बॅनर्जी आणि त्यांच्या सरकारवर जोरदार निशाणा साधला. त्यांनी घुसखोरी, शेतकऱ्यांच्या समस्या आणि सीमा सुरक्षा यांसारखे मुद्दे उपस्थित केले आणि भाजपचे सरकार स्थापन झाल्यास मोठी आश्वासने दिली. निवडणूक आयोग एसआयआर (SIR) चालवून घुसखोरांची नावे यादीतून काढून टाकत आहे, पण ममता बॅनर्जी त्यासाठी रडत आहेत. दीदी, तुमची वेळ संपली आहे. जनता तुम्हाला निरोप देत आहे, अशा शब्दांत हल्लाबोल अमित शाह (Amit Shah) यांनी केला.

भाजप केवळ उत्तर बंगालमधूनच नव्हे, तर संपूर्ण देशातून घुसखोरांना निवडकपणे बाहेर काढण्यासाठी काम करेल. ममता बॅनर्जी सरकारवर शेतकऱ्यांकडे दुर्लक्ष केल्याचा आरोप केला. शेतकऱ्यांच्या समृद्धीसाठी शीतगृहांची (कोल्ड स्टोरेज) गरज आहे, परंतु राज्य सरकारने या दिशेने काहीही केलेले नाही. त्यांनी आश्वासन दिले की, बंगालमध्ये भाजपचे सरकार स्थापन झाल्यास शेतकऱ्यांसाठी शीतगृहे उभारण्याचे काम केले जाईल, असेही अमित शाह (Amit Shah) म्हणाले.

(हेही वाचा Italy ने इस्रायलसोबतचे संरक्षण करार केले रद्द; पोपचा अपमान केल्याने डोनाल्ड ट्रम्प यांनाही सुनावले)

अमित शाह (Amit Shah) यांनी सांगितले की, भाजपचे सरकार स्थापन झाल्याच्या ४५ दिवसांच्या आत सीमा कुंपणासाठी आवश्यक असलेली ६०० एकर जमीन केंद्र सरकारकडे सुपूर्द केली जाईल. त्यानंतर सीमा कुंपणाचे काम पूर्ण केले जाईल, असेही त्यांनी सांगितले. जाहीर सभेतील मोठ्या गर्दीचा संदर्भ देत अमित शाह यांनी घोषणा केली की, ४ मे रोजी ममता बॅनर्जी यांना ‘बाय-बाय’ करण्याची वेळ आली आहे. ५ मे रोजी भाजप पश्चिम बंगालमध्ये पहिल्यांदाच पूर्ण बहुमताने सरकार स्थापन करेल.