शिवसेना भवनसह संपत्ती शिंदे गटाच्या ताब्यात देण्याबाबतची याचिका सर्वोच्च न्यायालयाने फेटाळली

113
Supreme Court Rejects Transfer Of Shiv Sena Assets From Team Thackeray
शिवसेना भवनसह संपत्ती शिंदे गटाच्या ताब्यात देण्याबाबतची याचिका सर्वोच्च न्यायालयाने फेटाळली

निवडणूक आयोगाने मुख्यमंत्री एकनाथ शिंदे यांच्या गटाला शिवसेना पक्षाचे नाव आणि धनुष्यबाण चिन्ह देण्याचा निर्णय काही महिन्यांपूर्वी घेतला होता. त्यानंतर शिवसेना पक्षाचे मुख्यमंत्री एकनाथ शिंदे मुख्यनेते बनले होते. त्यामुळे शिवसेना भवनासह, सर्व शाखा, सर्व बँकेतील पक्ष निधी मुख्यमंत्री एकनाथ शिंदे यांच्या नेतृत्वातील शिवसेनेला द्या, अशी याचिका सर्वोच्च न्यायालयात दाखल करण्यात आली होती. पण सर्वोच्च न्यायालयाने ही याचिका फेटाळून याचिकाकर्त्याला फटकारले आहे.

१० एप्रिल २०२३ रोजी वकील आशिष गिरी यांनी शिवसेनेची संपत्ती शिंदे गटाला देण्याची याचिका सर्वोच्च न्यायालयात दाखल केली होती. शुक्रवारी, २८ एप्रिलला या याचिकेवर सरन्यायाधीश धनंजय चंद्रचूड यांच्या खंडपीठासमोर सुनावणी झाली. या सुनावणीच्या वेळी सरन्यायाधीश चंद्रचूड यांनी याचिकाकर्ते आशिष गिरी यांना खडसावले. ही याचिका दाखल करणारे तुम्ही कोण? असा सवाल सरन्यायाधीशांनी उपस्थितीत करून ही याचिका फेटाळून लावली.

(हेही वाचा – राज ठाकरेंना दिल्ली उच्च न्यायालयाचा दिलासा: ‘तो’ समन्स केला रद्द)

दरम्यान याचिकाकर्ते आशिष गिरी म्हणाले होते, मी वकील असण्याबरोबर एक मतदार सुद्धा आहे. म्हणून मी ही हस्तक्षेप याचिका दाखल केली आहे. मी मुख्यमंत्री एकनाथ शिंदे यांच्या गटाच्या बाजूने ही याचिका दाखल केलेली नाही. उच्च न्यायालयात ही याचिका दाखल केली असती, पण उद्धव ठाकरे यांनी निवडणूक आयोगाबाबत आधीच सर्वोच्च न्यायालयात याचिका दाखल केली आहेत. त्यामुळे मी पण थेट सर्वोच्च न्यायालयात याचिका दाखल केली आहे.

हेही पहा – 

Join Our WhatsApp Community
Get The Latest News!
Don’t miss our top stories and need-to-know news everyday in your inbox.