पंतप्रधान नरेंद्र मोदींनी (Narendra Modi) लोकसभा निवडणूक २०२४ (Lok Sabha Election २०२४) मध्ये ‘४०० पार’ संकल्प केला आहे. ते शुक्रवारी, (१२ एप्रिल) जम्मू-काश्मीर दौऱ्यादरम्यान जनतेला संबोधित करणार आहेत. राजस्थानात भाजपाकडून आयोजित करण्यात आलेल्या रोड शोमध्येही ते सहभागी होणार आहेत. निवडणुकीनिमित्त होणारे दौरे, रोड शो आणि सभा याविषयी माहिती त्यांच्या अधिकृत ‘X’ समाजमाध्यमाद्वारे प्रसिद्ध करण्यात आली आहे.
भाजपने (BJP) एक्स हँडलवर प्रसिद्ध केलेल्या माहितीनुसार, पंतप्रधान मोदी सकाळी ११ वाजता जम्मू-काश्मीरमधील उधमपूर येथे भारतीय जनता पक्षाच्या जाहीर सभेला संबोधित करतील. त्यानंतर पंतप्रधान नरेंद्र मोदी भारतासाठी रवाना होतील. ते दुपारी २.१५ वाजता राजस्थानमधील बाडमेर येथे जाहीर सभेला संबोधित करतील. त्यानंतर ते दुपारी ४.४५ वाजता दौसा येथे भाजपाच्या रोड शोमध्ये सहभागी होतील.
(हेही वाचा – Loksabha Election 2024 : तिसऱ्या टप्प्यातील उमेदवारी अर्ज भरण्यास शुक्रवारपासून सुरुवात, शेवटची तारीख १९ एप्रिल )
जम्मू ब्यूरोकडून मिळालेल्या माहितीनुसार, उधमपूर लोकसभा मतदारसंघातून भाजपने डॉ. जितेंद्र सिंह यांना तिसऱ्यांदा उमेदवारी दिली आहे. गेल्या दोन लोकसभा निवडणुकीत डॉ. जितेंद्र सिंह येथून विजयी झाले आहेत. या जाहीर सभेला दोन लाख लोकांना एकत्र आणण्याचे लक्ष्य भाजपने ठेवले आहे.
उधमपूरमध्ये कडक सुरक्षा व्यवस्था…
उधमपूरमध्ये कडक सुरक्षा व्यवस्था करण्यात आली आहे. पोलीस, सी. आर. पी. एफ. आणि एस. ओ. जी. च्या तुकड्यांनी जाहीर सभेच्या ठिकाणाला वेढा घातला आहे. सुरक्षा दलांनी संपूर्ण परिसराला वेढा घातला आहे. सुरक्षा दलांव्यतिरिक्त श्वान पथकांचीही मदत घेतली जात आहे. जाहीर सभेच्या ठिकाणासह हेलिपॅड तयार करण्यात आला आहे. पंतप्रधान हेलिकॉप्टरमधून थेट हेलिपॅडवर उतरतील.
हेही पहा –
Join Our WhatsApp Community