…पण एकदा का नाव गेलं की परत येत नाही! निवडणूक आयोगाच्या निर्णयावर राज ठाकरेंची सूचक प्रतिक्रिया

महाराष्ट्रातील सत्तासंघर्षातील एक महत्वाचा वाद म्हणजे शिवसेनेचे धनुष्यबाण हे चिन्ह कुणाचे होणार शिंदे गटाचे की ठाकरे गटाचे होणार? अखेर शुक्रवार, १७ फेब्रुवारी रोजी निवडणूक आयोगाने शिंदे गटाच्या बाळासाहेबांची शिवसेना या पक्षाला धनुष्यबाण हे चिन्ह आणि शिवसेना हे नाव दिले आहे. यावर मनसे अध्यक्ष राज ठाकरे यांनी प्रतिक्रिया दिली आहे. राज ठाकरेंनी सोशल मीडियाच्या माध्यमातून बाळासाहेब ठाकरेंच्या विचारांचा जुना व्हिडिओ शेअर केला आहे.

( हेही वाचा : शिवसेना एकनाथ शिंदेंचीच; उद्धव ठाकरेंना मोठा धक्का )

बाळासाहेबांनी दिलेला ‘शिवसेना’ हा विचार किती अचूक होता ते आज पुन्हा एकदा कळलं… अशा आशयाचा व्हिडिओ राज ठाकरेंनी शेअर केला आहे.

“नाव आणि पैसा
पैसा येतो, पैसा जातो,
पुन्हा येतो…
पण एकदा का नाव गेलं की
परत येत नाही.
ते येऊ शकत नाही.
काळ्या बाजारात सुद्धा मिळायचं नाही
म्हणून नावाला जपा.
नाव मोठं करा…”

हा बाळासाहेब ठाकरे यांचा जुना विचार राज ठाकरेंनी आपल्या सोशल मीडियाच्या माध्यमातून शेअर केला आहे. निवडणूक आयोगाच्या निर्णयावर राज ठाकरेंनी सूचक प्रतिक्रिया दिली आहे.