Hemant Soren यांना सर्वोच्च न्यायालयाकडून दिलासा नाही, सोमवारी होणार पुढील सुनावणी

कथित जमीन घोटाळा प्रकरणी अटकेत असलेले झारखंडचे माजी मुख्यमंत्री हेमंत सोरेन यांना सर्वोच्च न्यायालयाकडून दिलासा मिळालेला नाही. सर्वोच्च न्यायालयाने म्हटले की, आम आदमी पक्षाचे संयोजक आणि दिल्लीचे मुख्यमंत्री अरविंद केजरीवाल (Delhi CM Arvind Kejriwal) यांना सर्वोच्च न्यायालयाकडून मोठा दिलासा मिळाला आहे. सर्वोच्च न्यायालयाने त्यांना ०१ जूनपर्यंत अंतरिम जामीन मंजूर केला आहे. मात्र, सर्वोच्च न्यायालयाकडून केजरीवाल यांना दिलासा मिळाल्यानंतर झारखंडचे माजी मुख्यमंत्री हेमंत सोरेन यांच्याबाबत राजकीय वर्तुळात चर्चा सुरू झाली आहे. हेमंत सोरेन यांनाही सर्वोच्च न्यायालयातून जामीन मिळू शकेल का, असा प्रश्न जनता विचारू लागली आहे.  (Hemant Soren)

(हेही वाचा – Dabholkar Murder Case : … त्यामुळेच तपास भरकटला; अ‍ॅड. प्रकाश साळसिंगीकर यांची स्पष्टोक्ती)

१३ मे रोजी सुप्रीम कोर्टात सुनावणी होण्याची शक्यता

हेमंत सोरेन यांच्या याचिकेवर सुप्रीम कोर्टात (SC) १३ मे रोजी सुनावणी होण्याची शक्यता आहे. हेमंत सोरेन यांनी झारखंड उच्च न्यायालयाच्या (High Court) आदेशाला आव्हान दिले आहे, ज्यामध्ये उच्च न्यायालयाने त्यांच्या अटकेचे समर्थन करत याचिका फेटाळली होती. ३ मे रोजी निकाल देताना उच्च न्यायालयाने म्हटले होते की इडीकडे (ED) पुरेसे पुरावे आहेत आणि हेमंत सोरेनची अटक चुकीची असू शकत नाही.

माजी मुख्यमंत्र्यांनी उच्च न्यायालयाच्या आदेशाला आव्हान दिले होते

हेमंत सोरेन यांनी सर्वोच्च न्यायालयात विशेष रजा याचिका दाखल करून या आदेशाला आव्हान दिले आहे. हेमंत सोरेन यांच्या वतीने सर्वोच्च न्यायालयात उपस्थित असलेले ज्येष्ठ वकील कपिल सिब्बल (Senior Advocate Kapil Sibal) यांनी दोन दिवसांपूर्वी सर्वोच्च न्यायालयाच्या मुख्य न्यायमूर्तींना लवकर सुनावणीची विनंती केली होती. त्यानंतर हे प्रकरण १३ मे रोजी सुप्रीम कोर्टात सुनावणीसाठी  आले आहे.

(हेही पाहा – Dabholkar Murder Case प्रकरणातील निकालामुळे हिंदू दहशतवादचे नेरेटिव्ह सेट करण्याचे षडयंत्र उध्वस्त झाले; अभय वर्तकांचा घणाघात )

८ तासांच्या चौकशीनंतर हेमंत सोरेन यांना अटक

३१ जानेवारीला हेमंत सोरेन यांना कथित जमीन घोटाळ्याप्रकरणी (Land scam) ८ तासांच्या चौकशीनंतर इडीने अटक केली होती. अटक होण्यापूर्वी रात्री ०८:३० च्या सुमारास हेमंत सोरेन यांनी राजभवन गाठून राजीनामा दिला होता. यावेळी इडीची टीमही त्याच्यासोबत होती. हेमंत सोरेन यांनी राजीनामा दिल्यानंतर राज्यपालांनी त्यांचा राजीनामा तातडीने स्वीकारला. (Hemant Soren)

हेही पाहा –