Kidnapping Case : कौटुंबिक वादातून स्वतःच्याच १ वर्षाच्या भाच्याचं अपहरण; नेटकऱ्यांमुळे…

Kidnapping Case : मामासोबत झालेल्या वादाच्या रागातून एका मूकबधिर तरूणाने आपल्याच आत्याच्या १ वर्षीय मुलाचे अपहरण केल्याची धक्कादायक घटना समोर आली आहे. या संदर्भात पोलिसांनी दिलेल्या माहितीनुसार, अमन सकट नावाच्या तरूणाने रागाच्या भरात हे कृत्य केले. बाळाला कुर्ल्यातून डोंबिवलीत आणून वाहनांच्या पार्किंगमध्ये सोडून तो पसार झाला. मात्र जागरूक नेटकऱ्यांच्या मदतीमुळे हे बाळ सुरक्षित असून लवकरच ते त्याच्या आईच्या कुशीत विसावणार आहे. (Kidnapping Case)

डोंबिवलीतील विष्णूनगर पोलिस (Dombivli Vishnunagar Police) गस्तीवर असताना त्यांना सार्वजनिक वाहनांच्या पार्किंगमध्ये एक वर्षीय बालक एकटे असल्याचे आढळून आले. त्याच्या माता-पित्याचा-पालकांचा पोलिसांनी परिसरात सर्वत्र शोध घेतला. मात्र या बाळावर दावा सागणारे कुणीही पुढे आले नाही. कुणीतरी बाळाला एकट्याला सोडून निघून गेले असल्याची खात्री पटल्यानंतर पोलिसांनी तातडीने बाळाचा फोटो आणि माहिती व्हॉट्स ॲपसह (WhatsApp) समाज माध्यमांवर प्रसारित केली. बाळाचा फोटो आणि त्याची माहिती मजल दरमजल करत मुंबईत पोहोचली. (Kidnapping Case)

(हेही वाचा – Kalyan च्या गांधारी पुलावरील लोखंडी संरक्षक पट्टी गायब; अपघात टाळण्यासाठी दुरूस्तीची मागणी)

लग्न मोडल्याचा सूड!

लग्नाला विरोध करून सोयरिक मोडल्याच्या रागातून अमन सकट बाळाचे अपहरण केल्याचे उघडकीस आले आहे. कुर्ल्यातून पळवून डोंबिवलीत आणलेल्या या बाळाला पश्चिमेकडील पार्कींगमध्ये असलेल्या एका बंद रिक्षात सोडून तो फरार झाला. मात्र पोलिसांच्या तत्परतेमुळे बाळ सुखरूपपणे सापडले. या बाळाची केडीएमसीच्या शास्त्रीनगर रूग्णालयात वैद्यकीय तपासणी केल्यानंतर त्याला त्याचे वडील श्यामसुंदर कांबळे आणि त्याच्या आईकडे सुपूर्द करण्यात आल्याचे डोंबिवली विभागाचे सहाय्यक पोलिस आयुक्त सुहास हेमाडे यांनी सांगितले.(Kidnapping Case)

१५० सीसीटीव्ही फुटेजची तपासणी

मुंबईतील कुर्ला परिसरातून एक वर्षाचे बाळ अचानक बेपत्ता झाल्यानंतर कुटुंबीयांनी तातडीने पोलिसांशी संपर्क साधला. विनोबा भावे पोलिस ठाण्याच्या पोलिसांनी तपासाची चक्रे वेगाने फिरवली. परिसरातील १५० हून अधिक सीसीटीव्ही फुटेजची बारकाईने पडताळणी करण्यात आली. या फुटेजच्या आधारे बाळाला घेऊन जाणारा तरूण हा बाळाच्या मामा श्यामसुंदर कांबळे यांचा मूकबधिर भाचा अमन सकट असल्याचे स्पष्ट झाले. फरार असलेल्या अमन सकटचा शोध घेण्यासाठी पोलिसांचे पथक रवाना झाले आहेत.

हेही पहा –