हैद्राबादच्या (Hyderabad) बनभूलपुरा (Banbhulpura) भागात पैसे वाटल्याच्या आरोपाखाली सलमान खानला (Salman Khan) हैद्राबाद पोलिसांनी चौकशीसाठी ताब्यात घेतले आहे. त्याला हे पैसे कुठून मिळाले, याचा तपास पोलीस करत आहेत. एसएसपी प्रल्हाद नारायण मीना म्हणाले की, वितरित केलेल्या रोख रकमेचा स्रोत आणि सलमानच्या सोशल मीडिया खात्यांवर पोस्ट केलेल्या व्हिडिओंची चौकशी केली जात आहे. (Haldwani Violence)
(हेही वाचा – Ghazwa-e-Hind : काफिर हिंदूंशी युद्धाचे समर्थन, भारताचे इस्लामीकरण; देवबंदवर काय होणार कारवाई ?)
सलमान खानचे ‘हैद्राबाद युथ कॉरेज’ नावाचे इन्स्टाग्राम अकाऊंट आहे. ते हैद्राबाद युथ करेज नावाची स्वयंसेवी संस्था चालवतात. जेव्हा 8 फेब्रुवारीला बनभुलपुरामध्ये दंगल झाली होती. त्यानंतर सलमान खान बनभूलपुराच्या लोकांसाठी निधी गोळा करत आहे. त्याने त्याच्या इन्स्टाग्रामवर अनेक व्हिडिओ टाकले आहेत, ज्यात तो मारल्या गेलेल्या लोकांना शहीद म्हणतो. येथे काही फोटो आणि व्हिडिओ आहेत. त्यात एक जे.सी.बी. मलिकच्या बागेतील मदरसा तोडतांना दिसतो. त्याच वेळी त्याच्या शेजारी एक जळालेली जे.सी.बी. दिसते. याशिवाय अनेक व्हिडिओ शेअर करण्यात आले आहेत, ज्यात तो बनभुलपुरा परिसरातील लोकांना पैशांनी भरलेली पिशवी घेऊन पैसे वाटतांना दिसत आहे. या प्रकरणी सलमान खानला पोलिसांनी चौकशीसाठी बोलावले आहे.
हा व्हिडिओ कोणी बनवला ?
सलमानने त्याच्या इन्स्टाग्राम अकाऊंटवर पोस्ट केलेले व्हिडिओ आणि फोटो 11 फेब्रुवारीला अपलोड करण्यात आले आहेत. सलमानला हा व्हिडिओ कोणी दिला, याचा शोध पोलीस घेत आहेत. काही पत्रकारही पोलिसांच्या रडारवर आहेत.
सलमानच्या फोनच्या कॉलचा तपशीलही पोलीस तपासत आहेत. पोलिसांनी अनेकांच्या सी.डी. जप्त केल्या आहेत. पोलीस फोटो आणि व्हिडिओ देखील शोधत आहेत. या तपासात पोलिसांना काही महत्त्वाचे धागेदोरे मिळाले आहेत.
विमानतळावर का पकडला गेला नाही ?
सलमानने इन्स्टाग्रामवर अपलोड केलेल्या व्हिडिओमध्ये तो विमानाने हैदराबादला येण्याबद्दल बोलत आहे. तिथे विमानतळाचे छायाचित्रही आहे. आता विमानतळावरील तपासात तो का पकडला जाऊ शकला नाही, हे शोधण्याचा प्रयत्न पोलीस करत आहेत. पिशवी भरून पैसे कसे आणले गेले, याविषयी पोलिसांनी विमानतळ प्राधिकरणाला पत्र पाठवले आहे.
बॅगेत किती पैसे होते ?
पोलिसांनी सलमानला चौकशीसाठी ताब्यात घेतले, तेव्हा त्याच्याकडे सापडलेली पिशवी रिकामी होती. त्याने इन्स्टाग्रामवर पोस्ट केलेले फोटो आणि व्हिडिओंमध्ये पैशांनी भरलेली पिशवी दिसत आहे. बॅगमध्ये किती पैसे होते, याचा तपास पोलीस करत आहेत. त्याला हे पैसे हल्द्वानी किंवा उधमसिंग नगर जिल्ह्यातून मिळाले नाहीत. त्याने हैदराबादमधूनच पैसे आणलेले असू शकतात. (Haldwani Violence)
हेही पहा –
Join Our WhatsApp Community