Hemant Soren: झारखंडचे मुख्यमंत्री हेमंत सोरेन यांची ईडी चौकशी, कोणत्याही क्षणी अटक होण्याची शक्यता

झारखंडमधील जमीन घोटाळ्याशी (Land scam) संबंधित कथित मनी लॉन्ड्रिंग प्रकरणात चौकशीसाठी ईडीचे पथक मंगळवारी हेमंत सोरेन यांच्या बंगल्यावर पोहोचले होते.

112
Hemant Soren: झारखंडचे मुख्यमंत्री हेमंत सोरेन यांची ईडी चौकशी, कोणत्याही क्षणी अटक होण्याची शक्यता
Hemant Soren: झारखंडचे मुख्यमंत्री हेमंत सोरेन यांची ईडी चौकशी, कोणत्याही क्षणी अटक होण्याची शक्यता

झारखंडचे मुख्यमंत्री (Jharkhand News) हेमंत सोरेन (Hemant Soren) यांची बुधवारी (३१ जानेवारी) ईडी चौकशी (ED) होणार आहे. हेमंत सोरेन यांना ईडीकडून चौकशीसाठी समन्स देण्यात आलं असून त्यांची बुधवारी दुपारी १ वाजता चौकशी होणार आहे. ईडी पथकाने सोमवारी हेमंत सोरेन यांच्या निवासस्थानी छापेमारी केली, मात्र त्यावेळी सोरेन तिथे उपस्थित नव्हते. हेमंत सोरेन मागील ४० तासांपासून गायब होते, त्यानंतर आता ते ईडीसमोर हजर होणार असल्याची माहिती आहे. दरम्यान, चौकशीनंतर हेमंत सोरेन यांना कोणत्याही क्षणी अटक होऊ शकते, असं सांगितलं जात आहे.

झारखंडमधील जमीन घोटाळ्याशी (Land scam) संबंधित कथित मनी लॉन्ड्रिंग प्रकरणात (Money laundering scam) चौकशीसाठी ईडीचे पथक मंगळवारी हेमंत सोरेन यांच्या बंगल्यावर पोहोचले होते. ईडीने बंगल्यातून हरियाणा क्रमांकाची बीएमडब्ल्यू कार आणि रोख रकमेसह काही महत्त्वाची कागदपत्रेही जप्त केली आहेत. सोमवारी झारखंडचे मुख्यमंत्री हेमंत सोरेन यांच्या दिल्लीतील निवासस्थानावर ईडीने छापेमारी करण्यात आली. ईडीने नोटीस जारी केल्यानंतर २९ जानेवारीपासून सोरेन संपर्कात नव्हते. या छाप्यादरम्यान झारखंडचे मुख्यमंत्री हेमंत सोरेन निवासस्थानी उपस्थित नव्हते. दरम्यान, ईडीच्या पथकाने हेमंत सोरेन यांच्या बंगल्यातून मोठी रोकड जप्त केली. ईडीच्या अधिकाऱ्यांनी सांगितलं की, हेमंत सोरेन यांच्या बंगल्यातून 36 लाख रुपये रोख जप्त करण्यात आले असून, २ आलिशान कारही जप्त करण्यात आल्या आहेत.

ईडीकडून बंगल्यातून महत्त्वाची कागदपत्रे जप्त
दक्षिण दिल्लीतील हेमंत सोरेन (Hemant Soren) यांच्या बंगल्यावर ईडीने सोमवारी छापा टाकला. ईडी पथकाने सुमारे 13 तास बंगल्यात छापेमारी केली. झारखंडमधील जमीन घोटाळ्याशी संबंधित कथित मनी लॉन्ड्रिंग प्रकरणात चौकशीसाठी ईडीचे पथक हेमंत सोरेन यांच्या बंगल्यावर पोहोचले होते. ईडी बंगल्यातून रोख रकमेसोबतच एक हरियाणा क्रमांकाची बीएमडब्ल्यू कार आणि आणखी एक कार आणि काही महत्त्वाची कागदपत्रे जप्त केली आहेत. मीडिया रिपोर्ट्सनुसार, हेमंत सोरेन (Hemant Soren) यांनी ईडीला सांगितले की, ते बुधवारी त्यांच्या रांची निवासस्थानी दाखल होणार आहेत.

हेही पहा – 

Join Our WhatsApp Community
Get The Latest News!
Don’t miss our top stories and need-to-know news everyday in your inbox.