मुंबईत बॉम्बस्फोटाची धमकी : NSE इमारतीत RDX आणि IED लावल्याचा ईमेल; BKC पोलीस ठाण्यात गुन्हा दाखल

मुंबई शेअर बाजार (BSE) ला आलेल्या बॉम्बस्फोटाच्या धमकीनंतर आता नॅशनल स्टॉक एक्सचेंज (NSE) ला देखील अशाच प्रकारचा धमकीचा ईमेल प्राप्त झाला आहे. अधिकाऱ्यांनी दिलेल्या माहितीनुसार, ईमेलमध्ये NSE च्या इमारतीमध्ये RDX आणि IED लावल्याची माहिती देण्यात आली असून स्फोट होणार असल्याचा इशारा दिला आहे. या ईमेलमध्ये “कॉम्रेड पिनराई विजयन” हे नाव वापरण्यात आले आहे. या प्रकरणी बांद्रा-कुर्ला कॉम्प्लेक्स (BKC) पोलीस ठाण्यात गुन्हा दाखल करण्यात आला आहे.(मुंबईत बॉम्बस्फोटाची धमकी)

ही धमकी NSE च्या अधिकृत ईमेलवर रविवारी प्राप्त झाली. ईमेलमध्ये NSE च्या सर्व इमारतींमध्ये स्फोटके लावल्याचा दावा करण्यात आला होता आणि स्फोट लवकरच होईल, असा इशाराही देण्यात आला होता. NSE चे वरिष्ठ व्यवस्थापक कौशल कुमार यांच्या तक्रारीवरून BKC पोलिसांनी भारतीय दंड विधानाच्या कलम 125, 353(1)(b), 351(3) आणि 351(4) अंतर्गत गुन्हा नोंदवला आहे.(मुंबईत बॉम्बस्फोटाची धमकी)

पोलिसांच्या प्राथमिक तपासात असे स्पष्ट झाले आहे की BSE आणि NSE या दोन्ही संस्थांना एकाच Outlook ईमेल आयडीवरून एकाच वेळी धमकी मिळाली होती. ही भीती आणि गोंधळ पसरविण्याची खोडसाळ हरकत असण्याची शक्यता पोलिसांनी व्यक्त केली असून सध्या ईमेल पाठवणाऱ्याचा शोध घेण्यात येत आहे.(मुंबईत बॉम्बस्फोटाची धमकी)

यापूर्वी मुंबईतील BSEच्या फिरोज टॉवरला देखील बॉम्बस्फोटाची धमकी मिळाली होती. अधिकृत BSE ईमेल आयडी आणि CEO यांच्या ईमेलवर असा ईमेल पाठवण्यात आला होता. “पिनराई विजयन” या नावाने साइन केलेल्या या ईमेलमध्ये चार IED स्फोटके आणि RDX फिरोज टॉवरमध्ये लावल्याचे नमूद होते आणि स्फोट दुपारी ३ वाजता होईल, असा इशारा देण्यात आला होता.(मुंबईत बॉम्बस्फोटाची धमकी)

धमकीचा ईमेल मिळताच BSE प्रशासनाने तातडीने पोलिसांना कळवले. बॉम्ब शोध व निकामी पथक (BDDS) घटनास्थळी दाखल झाले आणि संपूर्ण इमारतीत तपासणी करण्यात आली. मात्र, तपासणीत कोणतीही संशयास्पद वस्तू आढळून आली नाही.(मुंबईत बॉम्बस्फोटाची धमकी)

या प्रकरणी बीएसईचे सहाय्यक व्यवस्थापक सुजित जाधव यांनी एमआरए मार्ग पोलीस ठाण्यात तक्रार दाखल केली असून, यासंदर्भातही स्वतंत्र गुन्हा नोंदवण्यात आला आहे. याप्रकरणाचा तपास सुरू आहे.