India vs Australia U19 : भारतीय १९ वर्षांखालील संघाचा ऑस्ट्रेलियावर ७ धावांनी विजय

India vs Australia U19               भारतीय आणि ऑस्ट्रेलियन १९ वर्षांखालील संघांमधील तीन सामन्यांच्या युवा एकदिवसीय मालिकेतील पहिला सामना रोमांचक ठरला. पावसामुळे बाधित झालेल्या या सामन्यात भारताने ऑस्ट्रेलियाचा सात धावांनी पराभव केला. प्रथम फलंदाजी करताना भारताने २० षटकांत सहा गडी गमावून १८२ धावा केल्या. प्रत्युत्तरात ऑस्ट्रेलियाला सात गडी गमावून केवळ १७५ धावाच करता आल्या. (India vs Australia U19)

(हेही वाचा – Trump Russia Sanctions : रशियावरील निर्बंधांच्या विधेयकावर ट्रम्प यांची स्वाक्षरी! भारतावरील टॅरिफ संकट कायम? काय नवे बदल?)

भारताचे माजी कर्णधार राहुल द्रविड यांचा मुलगा अन्वय द्रविड आणि भारताचे माजी सलामीवीर वीरेंद्र सेहवाग यांचा मुलगा आर्यवीर सेहवाग हे देखील या सामन्यात मैदानात उतरले होते. सहाव्या क्रमांकावर फलंदाजी करताना अन्वयने अवघ्या १८ चेंडूंमध्ये ३८ धावांची वेगवान खेळी केली. त्याने दोन चौकार आणि तीन षटकार मारले. त्याचा स्ट्राईक रेट २११.११ होता. आर्यवीरने आपल्या वडिलांप्रमाणेच डावाची सुरुवात केली आणि पाच चौकारांसह २६ चेंडूंमध्ये २८ धावा केल्या. (India vs Australia U19)

(हेही वाचा – Delhi Crime : 16 वर्षीय मुलीवर सामूहिक अत्याचार, शेतात फेकला मृतदेह; दिल्ली प्रकरणात धक्कादायक खुलासा )

प्रथम फलंदाजी करणाऱ्या भारतीय संघाची सुरुवात चांगली झाली नाही आणि १२ व्या षटकापर्यंत त्यांची धावसंख्या चार गडी गमावून ८८ झाली होती. यानंतर, यशवर्धन चौहान आणि अन्वय द्रविड यांनी पाचव्या विकेटसाठी ६९ धावांची भागीदारी करून संघाला कठीण परिस्थितीतून बाहेर काढले. चौहानने ३४ चेंडूंमध्ये ५४ धावांची शानदार खेळी केली. त्याने पाच चौकार आणि दोन षटकार मारले. अन्वयनेही जलद धावा करून भारताची धावसंख्या १८२ पर्यंत नेण्यात महत्त्वाची भूमिका बजावली. ऑस्ट्रेलियासाठी ऑफ-स्पिनर एली ब्रेन सर्वात यशस्वी गोलंदाज ठरला, त्याने चार षटकांत २९ धावा देऊन दोन बळी घेतले. (India vs Australia U19)

हेही पहा –