Iran-US War : ‘होर्मुझ’ पुन्हा बंद होण्याआधी भारताची ३ तेलवाहू जहाजं सुखरूप बाहेर पडली, ९४ क्रू मेंबर्सने सोडला सुटकेचा नि:श्वास

Iran-US War : अमेरिकेसोबत झालेल्या शांतता करारावर स्वाक्षरी करून दोन दिवस उलटत नाही तोच इराणने होर्मुझची सामुद्रधुनी पुन्हा बंद केली आहे. इस्रायलने लेबनॉनवर केलेल्या हल्ल्यास प्रत्युत्तर म्हणून इराणने हा निर्णय घेतला आहे. त्यामुळे जगाचे टेन्शन पुन्हा वाढले आहे. शनिवारी आखातात या घडामोडी सुरू असतानाच हिंदुस्थानचे ध्वज असणारी तीन महाकाय तेलवाहू जहाजं होर्मुझमधून निसटली. या जहाजांवर तब्बल ८.६ लाख मेट्रिक टनांहून अधिक कच्चे तेल असून ही जहाजं भारताच्या दिशेने मार्गस्थ झाल्याची माहिती केंद्रीय बंदरे, जहाजबांधणी आणि जलमार्ग मंत्री सर्वानंद सोनोवाल यांनी दिली.

गेल्या चार महिन्यांपासून सुरू असलेले युद्ध थांबवण्याबाबत आणि होर्मुझची सामुद्रधुनी वाहतुकीसाठी खुली करण्याबाबत इराण आणि अमेरिकेमध्ये एकमत झाले होते. दोन्ही देशांमध्ये याबाबत ऐतिहासिक करार झाला होता. मात्र हा करार होऊन ४८ तास उलटत नाही तोच इस्रायलने लेबनॉनवर भीषण हल्ले केले. यामुळे संतापलेल्या इराणने कराराचे उल्लंघन झाल्याचा आरोप करत होर्मुझची सामुद्रधुनी पुन्हा बंद केली.

हेही वाचा – Ashadhi Wari : मुक्ताईनगर येथून २४ जूनला मुक्ताबाई पालखी सोहळ्याचे प्रस्थान; २२ जुलैला पंढरपुरात आगमन

होर्मुझची सामुद्रधुनी वाहतुकीसाठी पुन्हा बंद होण्याआदी भारतातीलचे देश वैभव, देश विभोर आणि सनमार हेराल्ड ही तीन तेलवाहू जहाजं तिथून सुखरूप बाहेर पडली. या तीनही जहाजांवर ९४ क्रू मेंबर्स असून सर्वजण सुरक्षित आहेत. २४ जून ते १ जुलै या दरम्यान ही महाकाय तेलवाहू जहाजं भारतातील विविध बंदरांवर पोहोचतील, अशी माहिती सोनोवाल यांनी दिली. द हिंदूने याबाबत वृत्त दिले आहे.

हेही पहा –