Indian Army : जगातील शांतता काळ संपलाय; भारतीय सैन्याचे काय?; काय म्हणाले लष्करप्रमुख द्विवेदी?

जगभरात ‘दीर्घकाळापासून चालत आलेला शांतता काळ आता संपत आहे आणि जग एका अनिश्चित आणि विखुरलेल्या व्यवस्थेकडे वाटचाल करत आहे, असे महत्त्वाचे विधान भारतीय लष्करप्रमुख जनरल उपेंद्र द्विवेदी यांनी ‘चाणक्य डिफेन्स डायलॉग’ मध्ये बोलताना केले. जनरल द्विवेदी यांचे हे विधान जगाच्या सध्याच्या परिस्थितीवर गंभीर विधान मानले जात आहे. यासाठी भारतीय सैन्यही (Indian Army)  कसे तयार आहे त्यासाठी भारतीय सैन्याचा भविष्यातील रोडमॅप काय आहे यावरही त्यांनी भाष्य केला.

सध्या जगात ५० हून अधिक ठिकाणी सक्रिय संघर्ष सुरू आहेत, ज्यामुळे परिस्थिती अत्यंत अस्थिर होत आहे. भारताच्या शेजारील देशांमध्ये अस्थिरता आहे. आपला शत्रू जरी पाकिस्तान असला तरी भारताचे चीनशी संबंध कधीच मैत्रीपूर्ण राहिले नाहीत. ऑपरेशन सिंदूरनंतर हा तणाव शिगेला पोहोचला आहे. दुसरीकडे, चीन आहे ज्याच्याशी लडाखमध्ये अनेक चर्चेच्या फेऱ्यांनंतरही वातावरण तणावाचे आहे, अरुणाचल प्रदेशात राजनैतिक तणाव पुन्हा निर्माण झाला आहे. नेपाळमधील अंतर्गत परिस्थिती बऱ्याच काळापासून अस्थिर आहे. बांगलादेश आणि म्यानमारमध्येही अशीच परिस्थिती आहे. म्हणूनच भारतीय सैन्याला (Indian Army) निर्णायक आणि नेहमीच तयार ठेवावे लागणार आहे. त्यासाठी लष्कराचा परिवर्तनाचा आराखडा अर्थात लष्कराच्या आधुनिकीकरणासाठी तीन-टप्प्यांचा रोडमॅप तयार आहे, असेही जनरल द्विवेदी म्हणाले.

(हेही वाचा Hong Kong Fire: हाँगकाँगच्या निवासी टॉवर्समध्ये लागलेल्या भीषण आगीत ४४ जणांचा मृत्यू; 300 हून अधिक लोक बेपत्ता)

यासाठी भारतीय सैन्य पुढील चार धोरणांनुसार भविष्यात मार्गक्रमण करणार आहे.