IPL 2025, New Schedule : आयपीएलचं नवीन वेळापत्रक जाहीर, ३ जूनला अंतिम सामना

ऋजुता लुकतुके

भारत आणि पाकिस्तानमधील तणाव निवळल्यानंतर आता आयपीएलचे उर्वरित सामने १७ मे पासून पुन्हा सुरू होणार आहेत. आणि अंतिम सामना ३ जूनला होणार आहे. (IPL 2025, New Schedule) बीसीसीआयचे सचिव देवजीत सैकिया यांनी अधिकृत पत्रक काढून ही घोषणा केली आहे. ‘आयपीएल पुन्हा सुरू होत आहे, हे कळवायला आम्हाला आनंद होत आहे. १७ मे पासून ३ जूनपर्यंत, ६ मैदानांवर उर्वरित १७ सामने खेळवण्यात येतील. बाद फेरीच्या तारखा ठरल्या असल्या तरी सामने कुठे होणार हे काही दिवसांत निश्चित केलं जाईल,’ असं सैकिया यांनी म्हटलं आहे.

(हेही वाचा – India-Pakistan War : जिहाद करणे हे पाकिस्तानी सैन्याचे कामच आहे; अहमद शरीफ यांचा व्हिडिओ व्हायरल)

सुधारित वेळापत्रकानुसार, २७ मेला साखळी सामने संपतील. आणि २७ तारखेच्या विश्रांतीनंतर २८ पासून बाद फेरीचा थरार रंगेल. बाद फेरीचं वेळापत्रक खालील प्रमाणे असेल,

• २९ मे – पहिला पात्रता सामना (क्वालिफायर १)
• ३० मे – बाद सामना (एलिमिनेटर)
• १ जून – दुसरा पात्रता सामना (क्वालिफायर २)
• ३ जून – अंतिम सामना

🗓️ #TATAIPL 2025 action is all set to resume on 17th May 🙌

The remaining League-Stage matches will be played across 6⃣ venues 🏟️

The highly anticipated Final will take place on 3rd June 🏆

Details 🔽https://t.co/MEaJlP40Um pic.twitter.com/c1Fb1ZSGr2

— IndianPremierLeague (@IPL) May 12, 2025

आता साखळी सामन्यांच्या वेळापत्रकावर एक नजर टाकूया. रॉयल चॅलेंजर्स बंगळुरू विरुद्ध कोलकाता नाईट रायडर्स (Royal Challengers Bangalore vs Kolkata Knight Riders) या सामन्यापासून नवीन वेळापत्रकाची सुरुवात होणार आहे. हा सामना (rcb vs kkr) १७ मेला बंगळुरू (Bangalore) इथं खेळवण्यात येईल. तर दिल्ली कॅपिटल्स विरुद्ध पंजाब किंग्ज हा ८ मे रोजी अर्धवट राहिलेला सामना आता २४ मे रोजी जयपूर इथं खेळवण्यात येणार आहे. बाकी सामन्यांचं सुधारित वेळापत्रक पाहूया,

हेही पहा –