ऋजुता लुकतुके
जोहान्सबर्गमध्ये गुरुवारचा दिवस भारतीय कर्णधार सुर्यकुमार यादवचाच होता. टी-२० प्रकारातील या अव्वल फलंदाजाने आपल्या लौकिकाला साजेसा खेळ (Ind vs SA 3rd T20) करत ५६ चेंडूत १०० धावा केल्या त्या ८ षटकार आणि ७ चौकारांच्या मदतीने. भारतीय संघाला त्याने २०० चा टप्पा गाठून दिला.
ते करताना आपलं टी-२० मधील चौथं आंतरराष्ट्रीय शतकही ठोकलं. रोहित शर्मा आणि ऑस्ट्रेलियाच्या ग्लेन मॅक्सवेलच्या विक्रमाची बरोबरी त्याने केली. या तिघांच्या नावावर टी-२० प्रकारातील सर्वाधिक ४ शतकं आता जमा आहेत. रोहीत आणि मॅक्सवेलच्या तुलनेत सुर्यकुमारचा धावांचा वेगही जबरदस्त आहे.
रोहितने ४ शतकांसाठी ५७ डाव घेतले. तर मॅक्सवेलने १४०.
𝐂𝐄𝐍𝐓𝐔𝐑𝐘
There is no stopping @surya_14kumar!
Mr. 360 brings up his 4th T20I century in just 55 balls with 7×4 and 8×6. The captain is leading from the front!🙌🏽👌🏽https://t.co/s4JlSnBAoY #SAvIND pic.twitter.com/t3BHlTiao4
— BCCI (@BCCI) December 14, 2023
सुर्यकुमारच्या आजच्या खेळीत भारतीय डावातील १३ वं षटक महत्त्वाचं ठरलं. तोपर्यंत सुर्यकुमार जपून खेळत होता. खासकरून शाम्सी आणि महाराजची फिरकी त्याने सावधपणे खेळून काढली. पण, फेलुवायोच्या या षटकांत मात्र सुर्याने आपला गिअर बदलला. या षटकातील पहिला चेंडूवर (Ind vs SA 3rd T20) एक धाव निघाली. आणि सुर्या स्ट्राईकवर आला. दुसऱ्याच चेंडूवर त्याने जोरदार षटकार ठोकला. आणि पुढच्या तीन चेंडूंवर ४, ६ आणि ६ अशा धावा वसूल केल्या. ३२ चेंडूत सुर्याचं अर्धशतक तर साजरं झालंच. शिवाय फुलुवायोच्या या षटकांत २3 धावा निघाल्या.
6️⃣4️⃣6️⃣6️⃣@surya_14kumar hits the 5th gear to reach his fifty off Phehlukwayo! 💪🏻🔥
Tune-in to the 3rd #SAvIND T20I
LIVE NOW | Star Sports Network#Cricket pic.twitter.com/CpoeZIssmX— Star Sports (@StarSportsIndia) December 14, 2023
या सामन्यात सुर्यकुमारने आपलं चौथं टी-२० शतक तर ठोकलंच. शिवाय भारतासाठी सर्वाधिक षटकार ठोकणाऱ्या फलंदाजांच्या यादीत तो दुसऱ्या स्थानावर पोहोचला. इथंही त्याचा वेग पहिल्या तिघांत जास्त आहे. रोहित शर्माने १४२ सामन्यांत १८२ षटकार ठोकले आहेत. तर सुर्यकुमार आता ५७ डावांमध्ये १२२ षटकारांवर दुसरा आहे. खालोखाल विराट कोहलीने १०७ सामन्यांमध्ये ११७ षटकार ठोकले आहेत.
हेही पहा-
Join Our WhatsApp Community