रायगड जिल्ह्यातील पोलादपूर येथे रिक्षा व डंपर यांचा भीषण अपघात झाला. अपघातात रिक्षामधील एकूण 4 व्यक्तींचा मृत्यू झाला. मुख्यमंत्री एकनाथ शिंदे यांनी अपघातातील मृत व्यक्तींच्या कुटुंबियांना पाच लाख रुपये मदतीची घोषणा केली आहे. याबाबतची माहिती रायगड व रत्नागिरी जिल्ह्याचे पालकमंत्री उदय सामंत यांनी ट्वीटद्वारे दिली आहे.
रायगड जिल्ह्यातील पोलादपूर येथील कशेडी घाटात ट्रक आणि रिक्षा यांचा अपघात झाला असून या अपघातात चार व्यक्तींच्या निधनाचे वृत्त दुःखद आहे. या अपघातात मृत्युमुखी पडलेल्या नागरिकांच्या कुटुंबियांना नुकसानभरपाई म्हणून माननीय मुख्यमंत्री एकनाथ शिंदे यांनी ₹ ५ लक्ष मदत जाहीर केली आहे.
— Uday Samant (@samant_uday) November 7, 2022
परीक्षेसाठी जाणा-या विद्यार्थ्यांचा अपघातात मृत्यू
रायगड जिल्ह्यातील पोलादपूर तालुक्याजवळ कशेडी घाटामध्ये सोमवारी रिक्षा व डंपरचा भीषण अपघात झाला. अपघातात एकूण 4 प्रवाशांचा मृत्यू झाला असून, यात तीन मुलींचा समावेश आहे. पोलादपूर खेड येथून माणगाव तालुक्यातील गोरेगाव येथे परतत असताना रिक्षाचा अपघात झाला. खेड येथे परीक्षेसाठी जात असलेल्या गोरेगाव येथील विद्यार्थ्यांचा या अपघातात अंत झाला आहे. या अपघातात तीन मुली आणि एक रिक्षाचालक ठार झाला आहे. वाळूने भरलेला डंपर या रिक्षावर पलटी झाल्यामुळे हा अपघात झाल्याचे कळत आहे. हालीमा अब्दुल सलाम पोपेरे (23 वर्ष, नांदवी) आसिया सिद्दीकी (20 वर्षे, गोरेगाव), नाजमीन मूफीद करबेलकर (22 वर्ष, सवाद), अमन उमर बहुर (46 वर्षे, गोरेगाव) यांचा मृत्यू झाला आहे.
( हेही वाचा: रस्ते आणि नालेसफाईचे कंत्राटदार वळतात जलवाहिनी दुरुस्तीच्या कामांकडे )
Join Our WhatsApp Community