पंतप्रधान नरेंद्र मोदी (PM Narendra Modi) यांनी शुक्रवारी ६ जून या दिवशी जम्मू आणि काश्मीरमध्ये बांधलेल्या जगातील सर्वात उंच चिनाब रेल्वे पुलाचे उद्घाटन (Chenab Railway Bridge Inauguration) केले. हा प्रकल्प २७२ किमी लांबीच्या उधमपूर-श्रीनगर-बारामुल्ला रेल्वे लिंक (USBRL) चा भाग आहे. या पुलाच्या बांधकामाठी २००३ मध्ये त्याला मंजुरी देण्यात आली होती. या पुलाच्या यशस्वी बांधकामात प्रोफेसर जी. माधवी लता यांचे मोठे योगदान आहे. (Madhavi Lata)
(हेही वाचा – ‘…जेव्हा जर्मन चान्सलर Donald Trump यांना त्यांच्या आजोबांचे जन्म प्रमाणपत्र भेट देतात’; वाचा नेमकं काय झालं?)
बेंगळुरू येथील इंडियन इन्स्टिट्यूट ऑफ सायन्स (IISc) येथे प्राध्यापक असलेल्या माधवी लता (Prof. Madhavi Lata), चिनाब पुलाच्या प्रकल्पात भू-तंत्रज्ञान सल्लागार म्हणून १७ वर्षे सहभागी होत्या. त्यांनी पुलाच्या कंत्राटदार, अफकॉन्ससोबत, डोंगराळ प्रदेशामुळे निर्माण होणाऱ्या समस्यांवर लक्ष केंद्रित करून, संरचनेचे नियोजन, डिझाइन आणि बांधकाम यामध्ये जवळून काम केले.
जाणून घ्या कोण आहेत प्रोफेसर माधवी लता?
माधवी लता सध्या आयआयएससीमध्ये एचएजी प्रोफेसर आहेत. डॉ. लता यांनी १९९२ मध्ये जवाहरलाल नेहरू टेक्नॉलॉजिकल युनिव्हर्सिटीमधून सिव्हिल इंजिनिअरिंगमध्ये बी.टेक पदवी प्राप्त केली, जिथे त्यांनी प्रथम श्रेणीत विशेष पदवी प्राप्त केली. वारंगल येथील नॅशनल इन्स्टिट्यूट ऑफ टेक्नॉलॉजीमध्ये एम.टेक करत असताना त्यांनी सुवर्णपदक जिंकले. त्यांचे स्पेशलायझेशन भू-तंत्रज्ञान अभियांत्रिकीमध्ये या विषयामध्ये होते. डॉ. लता यांनी २००० मध्ये आयआयटी-मद्रासमधून भू-तंत्रज्ञान अभियांत्रिकीमध्ये डॉक्टरेट पदवी प्राप्त केली आहे. २०२१ मध्ये इंडियन जिओटेक्निकल सोसायटीने सर्वोत्कृष्ट महिला भू-तंत्रज्ञान संशोधक पुरस्काराने सन्मानित केले.
(हेही वाचा – संभल हिंसाचाराचा आरोप असलेल्या सपा खासदार झिया बर्क यांच्यावर वीज चोरीप्रकरणी २ कोटींचा दंड; High Court म्हणाले फक्त ६ लाख भरा)