Water Cut : येत्या गुरुवारी आणि शुक्रवारी विलेपार्ले आणि अंधेरी भागांत येणार नाही पाणी

• विशेष प्रतिनिधी, मुंबई 

अंधेरी (पश्चिम) येथील गोपाळकृष्ण गोखले पुलाखालील वांद्रे जलवाहिनीवरील १,३५० मिलीमीटर व्यासाचे प्रवाह नियंत्रण झडप (फ्लो कंट्रोल वॉल्व्ह) दुरूस्‍ती आणि वेसावे जलवाहिनीवरील ९०० मिलीमीटर व्यासाचे फुलपाखरु झडप (बटरफ्लाय वॉल्व्ह) बदलण्‍याची कामे हाती घेण्यात येणार आहेत. गुरुवार, १९ जून २०२५ रोजी दुपारी २ वाजेपासून शुक्रवार, २० जून २०२५ रोजी मध्यरात्री १ वाजेपर्यंत एकूण ११ तास हे काम करण्याचे नियोजित आहे. या कामादरम्‍यान संपूर्ण जलवाहिनीचा पाणीपुरवठा ११ तास बंद करावा लागणार आहे. त्‍यामुळे के पश्चिम विभागातील काही भागांचा पाणीपुरवठा बंद राहणार आहे. (Water Cut)

दुरूस्‍ती कालावधीत म्हणजे गुरुवार, १९ जून २०२५ रोजी दुपारी २ वाजेपासून शुक्रवार, २० जून २०२५ रोजी मध्यरात्री १ वाजेपर्यंत दुरुस्तीच्या प्रत्यक्ष कालावधीत के पश्चिम विभागातील काही परिसरांमध्ये पाणीपुरवठा होणार नाही. तरी भागातील नागरिकांनी खबरदारीचा उपाय म्हणून पाण्याचा आवश्यक साठा करुन ठेवावा. तसेच पाणीपुरवठा बंदच्या कालावधीत काटकसरीने पाणी वापरुन सहकार्य करावे, असे आवाहन मुंबई महानगरपालिका प्रशासनाच्या वतीने करण्यात येत आहे. (Water Cut)

(हेही वाचा – Indus Water Treaty : मोदी सरकार मोठं पाऊल उचलण्याच्या तयारीत; पाकिस्तानविरोधात जल रणनीती तयार?)

या पाणीपुरवठा विभागात पाणीपुरवठा पूर्णपणे बंद : 

विलेपार्ले पश्चिम : लल्लूभाई उद्यान, लोहिया नगर, पार्ले गावठाण, मीलन भूयारी मार्ग (सबवे), जुहू विलेपार्ले विकास योजना (जे. व्ही. पी. डी. स्कीम), जुहू गावठाण क्रमांक ०३, व्ही. एम. मार्ग, विलेपार्ले (पश्चिम) (नियमित पाणीपुरवठ्याची वेळ – दुपारी २.३० ते सायंकाळी ४.३०)

मोरागाव (जे. व्ही. पी. डी.) : मोरागाव, जुहू गावठाण क्रमांक ०१ आणि ०२, विलेपार्ले (पश्चिम) (नियमित पाणीपुरवठ्याची वेळ – दुपारी २.३० ते सायंकाळी ४.३०)

गिल्बर्ट हिल, अंधेरी (पश्चिम) : जुहू गल्ली, धनगरवाडी, सागर सिटी सोसायटी, अंधेरी (पश्चिम) (नियमित पाणीपुरवठ्याची वेळ – रात्री १०.०० ते मध्यरात्री १२.३०)

हेही पहा –