पुणे (Warkari Accident) रस्त्यावर शिक्रापूरजवळ एक दुःखद घटना घडली. दिंडीसोबत पाण्याचा टँकर घेऊन जात असताना एका वारकऱ्याचा ST बसच्या धडकेत मृत्यू झाला. निवृत्ती सांडू माकोसे (वय ४७) हे या अपघातात मरण पावले. ते किशोर गावचे रहिवासी होते. ट्रॅक्टर दुरुस्त करण्यासाठी साहित्य आणायला जात असताना हा अपघात झाला. (Warkari Accident)
निवृत्ती माकोसे हे दिगर, किशोर येथे कुटुंबासोबत राहत होते. ते शेती करायचे आणि त्यांचं घर शेतीवर आणि ट्रॅक्टरवर अवलंबून होता. ते वारकरीही होते. गावातील ह.भ.प. रामू आप्पा नवले महाराज यांच्या दिंडीत ते सहभागी झाले होते. बुधवारी पहाटे ते आळंदीकडे पाण्याचा टँकर घेऊन निघाले होते. पुणे रस्त्यावरील शिक्रापूरजवळ त्यांच्या ट्रॅक्टरचं चाक खराब झालं. चाक दुरुस्त करण्यासाठी त्यांना काही सामान हवं होतं. निवृत्ती आणि त्यांचे दोन सहकारी रस्ता ओलांडून सामान आणायला जात होते. त्याचवेळी भरधाव वेगात आलेल्या एसटी बसने त्यांना धडक दिली. (Warkari Accident)
या अपघातात निवृत्ती माकोसे गंभीर जखमी झाले होते. यावेळी त्यांच्यासोबत असणारे सहकारी थोडक्यात बचावले. अपघातामध्ये गंभीर जखमी झालेल्या निवृत्ती यांना तातडीने दवाखान्यात दाखल करण्यात आले. डॉक्टरांनी त्यांना मृत घोषित केले. निवृत्ती माकोसे यांच्या पश्चात पत्नी, दोन मुली, दोन मुले आणि भाऊ असा परिवार आहे. त्यांच्या जाण्याने माकोसे कुटुंबावर दुःखाचा डोंगर कोसळला आहे. या घटनेमुळे परिसरात हळहळ व्यक्त होत आहे. (Warkari Accident)
हेही पहा-
Join Our WhatsApp Community