US Tariff War : ट्रम्प युरोपियन देशांवर लावणार ६५ टक्के आयात शुल्क; हे शुल्क भारताच्या पथ्यावर?

• ऋजुता लुकतुके

अमेरिकन राष्ट्राध्यक्ष डोनाल्ड ट्रम्प यांचं लक्ष सध्या युरोपियन महासंघातील देशांकडे गेलं आहे. महासंघातून अमेरिकेला होणारी ५० टक्क्यांच्या वर निर्यात ते रोखणार आहेत. या मालावर ५५ टक्के आयात शुल्क लादण्याचा इशारा त्यांनी दिला आहे. हे देश युरो हे चलन वापरतात. त्यामुळे एकाच चलनावर सरसकट शुल्कवाढीची कुऱ्हाड कोसळली तर पुन्हा एकदा जगभरातच त्याचा परिणाम जाणवणार आहे. पण, त्याचवेळी भारताच्या हे पथ्यावर पडेल असा जाणकारांचा होरा आहे. कसं ते पाहूया, (US Tariff War)

(हेही वाचा – Veer Savarkar : स्वातंत्र्यवीर सावरकर यांच्या ‘अनादी मी अनंत मी…’ गीताला अमित शाह यांच्या हस्ते राज्य प्रेरणागीत पुरस्कार प्रदान)

सध्या ट्रम्प यांनी ९ जुलैपर्यंत कुठल्याही आयात शुल्कवाढीला स्थगिती दिली आहे. पण, अनिश्चिततेचं वातावरण बघितलं तर भारताला निर्माण होणाऱ्या संधीतून किमान १३ अब्ज अमेरिकन डॉलरचा फायदा होऊ शकतो. सध्या युरोपियन देश अमेरिकेला ३०५ अब्ज अमेरिकन डॉलर इतका माल निर्यात करतात. हा माल अमेरिकेत पाठवणं महाग झाल्यावर आता ती एक मोठी बाजारपेठ या देशांसाठी कमी होईल. हा सगळा माल भारत कमी दरांत आयात करू शकेल. त्यामुळे भारताचे माल आयात करताना १३.८ अब्ज अमेरिकन डॉलर वाचू शकतात. २३ मे रोजी ट्रम्प यांनी युरोपियन महासंघातून होणाऱ्या आयातीवर ५० टक्के आयात शुल्क लागू केलं आहे. पण, युरोपियन महासंघाने व्यापारी कराराची हमी दिल्यानंतर ट्रम्प यांनी या वाढीला स्थगितीही दिली. पण, ही मुदत ९० दिवसांसाठी होती. म्हणजेच ९ जुलैपर्यंत वाटाघाटी पूर्ण झाल्या नाहीत तर ट्रम्प यांच्या म्हणण्याप्रमाणे नवीन आयात शुल्क लागू होईल. (US Tariff War)

(हेही वाचा – KL Rahul : कधी सातव्या तर कधी सलामीला फलंदाजी करणारा के. एल. राहुल)

याचा भारताला कसा फायदा होऊ शकतो ते आता पाहूया. खरंतर सगळ्यात जास्त फायदा चीन, मेक्सिको आणि कॅनडा या देशांना होणार आहे. कारण, त्यांचा माल आता अमेरिकेत निर्यात होऊ शकेल. पण, भारतालाही याचा थोडाफार फायदा आहेच. युरोपियन देश एकूण ६५४ वस्तू व सेवा अमेरिकेत निर्यात करतात. यातील किमान ८.६ अब्ज अमेरिकन डॉलरचा वाटा भारत त्यांच्याकडून ओढून घेऊ शकतो. खासकरून हिरे आणि ट्रॅक्टरचे टायर या दोन गोष्टींसाठी आता अमेरिका आणि भारत एकमेकांना मदत करू शकतात. तयार कपडे आणि दागिन्यांच्या बाबतीही भारताची अमेरिकेला होणारी निर्यात वाढू शकते. वर म्हटल्याप्रमाणे युरोपातून ज्या वस्तूंची अमेरिकेला निर्यात थांबेल त्या वस्तू भारताला कमी दरांत आयात करता येतील. या दोन्ही गोष्टींसाठी भारताचा अमेरिकेबरोबर प्रस्तावित असलेला व्यापारी करारही वेगाने पुढे जाणं आवश्यक आहे. (US Tariff War)

हेही पहा –