देशासाठी प्राणार्पण करणाऱ्या हुतात्मा जवानांच्या बलिदानाचा सन्मान करण्यासाठी खासदार रविंद्र वायकर (Ravindra Waikar) यांच्या संकल्पनेतून “एक झाड शहिदांच्या नावे” हा भावनिक आणि प्रेरणादायी उपक्रम ३१ मे रोजी सकाळी ७.३० वाजता आरे परिसरात सुरु होत आहे. या उपक्रमात ५००० झाडे लावण्याचा संकल्प करण्यात आला आहे, जो निसर्ग संवर्धनासोबत देशभक्तीची सुद्धा नवचेतना देणार आहे.
मोदींच्या “एक पेड माँ के नाम”ची प्रेरणा
पंतप्रधान नरेंद्र मोदी (PM Narendra Modi) यांनी देशभर “एक पेड माँ के नाम” या उपक्रमाचे आवाहन केले होते. त्याच प्रेरणेने खासदार वायकर यांनी हुतात्माच्या स्मरणार्थ वृक्षारोपणाचा अभिनव उपक्रम हाती घेतला आहे. हे झाड केवळ पर्यावरण संवर्धनाचे प्रतीक न राहता हुतात्मा जवानांच्या स्मृतींचे जिवंत स्मारक ठरणार आहे.
(हेही वाचा – ‘विलिनीकरणाचा प्रस्तावच नाही, मग चर्चा कशाची?’; Sunil Tatkare यांची स्पष्ट भूमिका)
उपक्रमात कोण राहणार सहभागी?
या वृक्षारोपण आणि स्वच्छता मोहिमेत सहभागी होणार आहेत:
- आरेचे मुख्य कार्यकारी अधिकारी
- मुंबई महानगरपालिकेच्या पी दक्षिण व के पूर्व विभागाचे अधिकारी
- वन विभाग आणि पोलीस अधिकारी
- एनसीसीचे विद्यार्थी, सामाजिक संस्था, स्थानिक मंडळे
- स्वयंसेवी संस्था आणि नागरिक
हे सर्वजण एकत्र येऊन “एक शहीद – एक झाड” या संकल्पनेला मूर्त स्वरूप देणार आहेत.
उपक्रमामागील उद्दिष्ट
- प्रत्येक हुतात्माच्या नावाने एक झाड लावणे
- झाडाचे संरक्षण व संगोपन
- परिसरात स्वच्छता आणि हरित जागरूकता वाढवणे
- देशभक्तीची भावना रुजवणे आणि संवर्धन करणे
हे झाड (Tree) नुसतेच उगवणार नाही, तर हुतात्माच्या बलिदानाची आठवण बनून नागरिकांच्या मनामध्ये देशसेवेचे बीजही रुजवणार आहे.
एक पाऊल हुतात्मासाठी, एक पाऊल पर्यावरणासाठी
ही संकल्पना देशभक्ती आणि निसर्ग प्रेमाचा मिलाफ आहे. शहिदांचे स्मरण व पर्यावरणाचे रक्षण या दुहेरी हेतूने या उपक्रमाला सुरुवात होणार असून, मुंबईतून या उपक्रमाची सुरुवात होऊन राज्यभर पसरण्याची शक्यता आहे.
३१ मे, सकाळी ७.३० वाजता, आरे परिसरात – ‘एक झाड हुतात्माच्या नावे’ उपक्रमाचा साक्षीदार व्हा, देशासाठी एक झाड लावा!
हेही पहा –
Join Our WhatsApp Community