Password Hacking : इंटरनेटवर १८.१५ कोटी लोकांचे पासवर्ड गहाळ

• ऋजुता लुकतुके

इंटरनेट वापरताना अनेक साईटवर तुम्हाला तुमचं खातं सुरू करावं लागतं. त्यासाठी तुम्ही युझरनेम आणि एक पासवर्ड तयार करता. पण, पासवर्ड कितीही गुप्त असला तरी इंटरनेटवर तुम्ही तो वारंवार टाईप करत असता. अशावेळी तो कितपत सुरक्षित असा विचार अनेकदा तुमच्या मनात आला असेल. पुन्हा सायबर सुरक्षा विषयाला हात घालण्याचं कारण या विषयातील सुरक्षा संशोधक जेरेमिया फाऊलर यांनी जगभरात आतापर्यंत १७.४ कोटी लोकांचे युझर नेम किंवा पासवर्ड बाहेर फुटल्याचा दावा केला आहे. तसा एक अहवालच त्यांनी प्रसिद्ध केला आहे. (Password Hacking)

फाउलर म्हणतात की, इंटरनेटवर कोणत्याही सुरक्षिततेशिवाय असलेला एक डेटाबेस सापडला आहे, ज्यामध्ये लाखो लोकांचे युझरनेम आणि पासवर्ड होते. हे पासवर्ड ईमेल, सोशल मीडिया प्लॅटफॉर्म आणि बँक खात्यांशी जोडलेले होते. लीक झालेल्या डेटामध्ये सरकारी पोर्टल्सचे लॉगिन तपशील देखील समाविष्ट आहेत. लीक झालेला बहुतेक डेटा अॅपल, गुगल, फेसबुक, मायक्रोसॉफ्ट, इंस्टाग्राम, स्नॅपचॅट सारख्या प्रमुख प्लॅटफॉर्मवर वापरलेला होता. याशिवाय, त्यात अधिकृत युआरएल, बँकिंग, आरोग्य आणि सरकारी पोर्टलचे लॉगिन तपशील देखील समाविष्ट होते. (Password Hacking)

(हेही वाचा – Delhi Government : ‘२७ वर्षात जे करता आले नाही, ते भाजपने १०० दिवसांत करून दाखवले’)

चिंताजनक बाब म्हणजे हा डेटाबेस एन्क्रिप्टेड नव्हता, म्हणजेच सर्व संवेदनशील माहिती साध्या मजकूर स्वरूपात उपलब्ध होती. डेटा लीकमुळे कोट्यवधी वापरकर्त्यांची वैयक्तिक माहिती धोक्यात आली आहे. या अहवालानंतर अनेक कंपन्या सतर्क झाल्या आहेत. फाउलरच्या मते, हा डेटा ‘इन्फोस्टीलर’ नावाच्या मालवेअरने चोरला असावा, जो संगणकात साठवलेला डेटा काढतो. इन्फो-स्टीलर मालवेअर वापरकर्त्यांच्या ब्राउझरमधील सेव्ह केलेले पासवर्ड, ऑटोफिल माहिती आणि कुकीज चोरतो. (Password Hacking)

जर एखाद्या वापरकर्त्याने चुकून बनावट लिंकवर क्लिक केले किंवा मेलमधून फाइल डाउनलोड केली तर हा व्हायरस सिस्टममध्ये प्रवेश करतो. त्यानंतर ते ईमेल, बँक आणि सोशल मीडिया खात्यांशी संबंधित माहिती लीक करते. सायबर गुन्हेगार अनेकदा मालवेअर वापरतात जे वेबसाइट आणि सिस्टममधून वापरकर्तानाव, पासवर्ड आणि क्रेडिट कार्ड नंबर यासारखी माहिती चोरतात आणि ती डार्क वेबवर विकतात. फाउलरच्या मते, ज्या होस्टिंग कंपनीच्या सर्व्हरमध्ये हा डेटा होता त्या कंपनीशी संपर्क साधण्यात आला. त्यानंतर, तो डेटाबेस सार्वजनिकरित्या अॅक्सेस करता आला नाही. परंतु, कंपनीने डेटा कोणत्या स्रोतावरून अपलोड केला याबद्दल माहिती देण्यास नकार दिला. सुरक्षा तज्ज्ञांनी डेटाबेसमधील काही वापरकर्त्यांना ईमेल पाठवले आणि त्यांची खरी माहिती लीक झाल्याची पुष्टी केली. त्यांनी असा इशाराही दिला की जे लोक अनेक प्लॅटफॉर्मवर समान पासवर्ड आणि युझर नेम वापरतात त्यांना सर्वाधिक धोका असतो. (Password Hacking)

हेही पहा –