-
विशेष प्रतिनिधी, मुंबई
यंदाच्या नाट्यस्पर्धेत मुंबई महानगरपालिकेच्या नायर रुग्णालयातील अधिकारी-कर्मचाऱ्यांनी सादर केलेल्या ‘कायप्पाचा पाडा’ या नाटक सर्वोत्तम ठरले. मानसी जोशी यांना याच नाटकातील भूमिकेसाठी सर्वोत्कृष्ट अभिनेत्री म्हणून आणि राजा शिंगाडे यांना ‘मेला तो शेवटचा होता’ या नाटकातील भूमिकेसाठी सर्वोत्कृष्ट अभिनेता म्हणून निवड झाली आहे. या नाटकातील कलावंताचा मान्यवरांच्या हस्ते गौरविण्यात आले. याशिवाय विविध गटात ३० उत्तेजनार्थ पारितोषिक देण्यात आली. (BMC)
मुंबई महानगरपालिका कामगार विभागाच्या विद्यमाने आयोजित ५३ व्या आंतरविभागीय खात्यांतर्गत नाट्यस्पर्धा सन २०२४-२५ चा पारितोषिक वितरण समारंभ पद्मश्री तथा महाराष्ट्र भूषण पुरस्काराने सन्मानित ज्येष्ठ अभिनेते अशोक सराफ यांच्या हस्ते शुक्रवारी ३० मे २०२५ रोजी सायंकाळी विलेपार्ले येथे महानगरपालिकेच्या मास्टर दीनानाथ मंगेशकर नाट्यगृहात पार पडला. त्यावेळी ते बोलत होते. अतिरिक्त आयुक्त (शहर) डॉ. अश्विनी जोशी या समारंभाच्या अध्यक्षस्थानी होत्या. उप आयुक्त (परिमंडळ १) डॉ. संगीता हसनाळे, उप आयुक्त (वित्त) प्रशांत गायकवाड, माजी उप आयुक्त किशोर क्षीरसागर आदी मान्यवरांची उपस्थिती होती. (BMC)
(हेही वाचा – पश्चिम रेल्वेवर शनिवारपासून 36 तासांचा Mega Block; 162 लोकल गाड्या रद्द, प्रवाशांना मोठा फटका)
मुंबई महानगरपालिका ही खूप मोठी कर्तव्यदक्ष आणि नावाजलेली संस्था आहे. या संस्थेत जितके हुशार, कर्तव्यदक्ष कर्मचारी आहेत, तितकेच हरहुन्नरी कलाकारही या कर्मचाऱ्यांमध्ये दडलेले आहेत. रोजचे काम सांभाळून आपल्यातील कला सादर करणे हे खूप मोठे आव्हान आहे. तुमच्यातील कलाकार असाच जिवंत ठेवा आणि आयुष्याचा आनंद घेत राहा, असे प्रतिपादन पद्मश्री तथा महाराष्ट्र भूषण पुरस्काराने सन्मानित ज्येष्ठ अभिनेते अशोक सराफ यांनी केले. (BMC)
अशोक सराफ म्हणाले की, मी अनेक कार्यक्रमांना जातो. वेगवेगळी स्नेहसंमेलने पाहतो. परंतु इतका रेखीव आणि नियोजनबद्ध कार्यक्रम मी याआधी पाहिला नाही. या प्रत्येक कलाकाराच्या कृती मागे खूप उत्साह दिसून आला. कर्तव्याची जाणीव असलेला प्रत्येक कर्मचारी जितका आपल्या कामाला न्याय देतो, तितकाच त्याने आज या रंगमंचावर आपल्या कलेलाही न्याय दिला, असे त्यांनी नमूद केले. (BMC)
(हेही वाचा – Password Hacking : इंटरनेटवर १८.१५ कोटी लोकांचे पासवर्ड गहाळ)
महापालिका अतिरिक्त आयुक्त (शहर) डॉ. अश्विनी जोशी म्हणाल्या, महानगरपालिकेत गुणी आणि कलासक्त कर्मचारी आहेत. या सर्व कलावंत कर्मचाऱ्यांना महानगरपालिकेचे सतत सहकार्य असते. सर्व कर्मचारी खूप गुणी आहेत. नृत्याची उत्तम जाण आहे. प्रशासन देखील त्यांना पूर्ण सहकार्य करते. त्यामुळे उत्कृष्ट नाटके दरवर्षी सादर होतात. राज्यस्तरीय नाट्यस्पर्धेसाठी देखील प्रवेशिका पाठवल्या जातात. महानगरपालिका एक विस्तृत कुटुंब आहे. या कुटुंबातील प्रत्येकाच्या प्रतिभेचा गौरव केला जातो, असे डॉ. जोशी यांनी सांगितले. (BMC)
महानगरपालिकेच्या कामगार खात्याच्या वतीने ५३ वी आंतरविभागीय खात्यांतर्गत नाट्यस्पर्धा ही ८ एप्रिल ते १६ मे २०२५ या कालावधीत मास्टर दीनानाथ मंगेशकर नाट्यगृह येथे आयोजित करण्यात आली होती. या नाट्यस्पर्धेसाठी परीक्षक म्हणून प्रेमानंद गज्वी, प्रकाश बाडकर, शकुंतला नरे यांनी कामकाज पाहिले. (BMC)
(हेही वाचा – Vaibhav Suryavanshi : १४ वर्षीय वैभव सूर्यवंशीने घेतली पंतप्रधान नरेंद्र मोदींची भेट)
यंदाच्या नाट्यस्पर्धेचा सविस्तर निकाल पुढीलप्रमाणे :
उत्कृष्ट नाट्यप्रयोग
कायप्पाचा पाडा (प्रथम क्रमांक)
बलेन्सशीट (द्वितीय क्रमांक)
तुझ्या रुपात मी (तृतीय)
उत्कृष्ट अभिनेता
राजा शिंगाडे (प्रथम)
जयेंद्र बगाडे (द्वितीय)
अजिंक्य नंदा (तृतीय)
उत्कृष्ट अभिनेत्री
मानसी जोशी (प्रथम)
नेहा अष्टपुत्रे (द्वितीय)
डॉ. ज्योत्सना बाणखेले (तृतीय)
उत्कृष्ट बालकलाकार
अद्वैत धेंडे
उत्कृष्ट रंगभूषा
अश्विनी काळोख (प्रथम)
उत्कृष्ट वेशभूषा
प्रियंका हातसे (प्रथम)
उत्कृष्ट नाट्यलेखन
संदेश जाधव
उत्कृष्ट नेपथ्य
अमोल पाटील
उत्कृष्ट प्रकाश योजना
संतोष कांबळे
उत्तेजनार्थ पारितोषिक (पुरूष)
गणाधीश घाडी
उत्तेजनार्थ पारितोषिक (स्त्री)
प्रियांका जाधव
हेही पहा –
Join Our WhatsApp Community