बदलत्या हवामानामुळे देशांतील अनेक भागांत कुठे ऊन, तर कुठे पाऊस असे चित्र पाहायला मिळत आहे. याचे दुष्परिणाम शेतीवरही होत आहेत. कोकण, मध्य महाराष्ट्र, मराठवाडा, विदर्भात हलक्या पावसाच्या सरी, महाराष्ट्रातील काही भागांत उष्णतेची लाट आणि मुंबई, ठाण्यात अवकाळी पावसाचा अंदाज हवामान विभागाने वर्तवला आहे. (Meteorology Department)
भारतीय हवामान विभागाने दिलेल्या माहितीनुसार, मराठवाडा, विदर्भ, ओडिशा, झारखंड, बिहार आणि उत्तर पश्चिम बंगालमध्ये काही ठिकाणी विजांचा गडगडाट आणि गारपिटीसह काही मध्यम पाऊस पडण्याचा अंदाज आहे. सिक्कीम, आसाम, अरुणाचल प्रदेश, केरळ, तामिळनाडू आणि कर्नाटकमध्ये काही ठिकाणी मध्यम स्वरूपाचा पाऊस आणि मेघगर्जनेसह हलका पाऊस पडण्याची शक्यता आहे.
कोंकण, मध्य महाराष्ट्र, मराठवाडा आणि विदर्भाच्या जिल्ह्यांमध्ये एक किंवा दोन ठिकाणी विजांच्या कडकडाटासह वादळ आणि सोसाट्याचा वारा (30-40 किमी प्रतितास वेग) हलका पाऊस पडण्याची शक्यता आहे.
तपशीलवार जिल्हानिहाय हवामान अंदाज व चेतावणीसाठी कृपया https://t.co/jw7yrf8Es5 भेट घ्या. pic.twitter.com/LueNatze01— Regional Meteorological Center,Mumbai (@RMC_Mumbai) April 20, 2024
यलो अलर्ट जारी
रविवारी, (२१ रविवारी) कोकण, मध्य महाराष्ट्र, मराठवाडा आणि विदर्भात काही ठिकाणी विजांच्या कडकडाटासह वादळी वाऱ्यासह पाऊस पडण्याची शक्यता आहे. पुढील २४ तासांत ठाणे, मुंबई, पालघर, रायगड, रत्नागिरी, सिंधुदुर्ग, धुळे, नंदुरबार, परभणी, जालना, हिंगोली या भागांत पावसाची हजेरी पाहायला मिळणार आहे. हवामान विभागाने, पुणे, जळगाव, नाशिक, अहमदनगर, कोल्हापूर, सातारा, सांगली, सोलापूर, छत्रपती संभाजीनगर, बीड, नांदेड, लातूर, उस्मानाबाद या जिल्ह्यांत पावसाचा यलो अलर्ट जारी केला आहे.
हेही पहा –
Join Our WhatsApp Community