इंडोनेशियामध्ये (Indonesia) सोमवार, ४ डिसेंबर मारापी ज्वालामुखीचा उद्रेक झाला. त्यामुळे तेथे 11 गिर्यारोहकांचा मृत्यू झाला. या वेळी झालेल्या हानीमध्ये 49 जणांना जिवंत वाचवण्यात यश आले आहे, तर 12 जणांचा शोध सुरू आहे. 2,891 किलोमीटर उंचीवर असलेल्या ज्वालामुखीने सुमारे 3 किलोमीटर उंचीवर राख फेकली गेली. (Indonesia Volcano Eruption)
(हेही वाचा – Israil Hamas War : इस्रायल हमासच्या बोगद्यांतील आतंकवाद्यांचा ‘असा’ करणार खात्मा)
त्यामुळे आजूबाजूच्या परिसरातील रस्ते आणि वाहने राखेने भरले. सोमवारी अजून एक छोटासा स्फोटही झाल्याची माहिती आहे. त्यामुळे काही काळ बचावकार्य थांबवण्यात आले आहे. मारापी म्हणजे अग्नीचा पर्वत. हा सुमात्रा बेटावरील सर्वांत सक्रिय ज्वालामुखी आहे.
खबरदारीचा उपाय म्हणून परिसर रिकामा
ज्वालामुखीच्या उद्रेकाच्या ठिकाणाजवळ दोन पर्वत चढाईचे मार्ग आहेत, जे आता बंद करण्यात आले आहेत. तसेच, ज्वालामुखीच्या मुखापासून 3 किलोमीटरपर्यंत उतारावर असलेली गावे खबरदारीचा उपाय म्हणून रिकामा करण्यात आली आहेत. स्फोटानंतर ज्वालामुखीतून लाव्हा बाहेर येण्याची शक्यता आहे. इंडोनेशियन द्वीपसमूहाच्या भूगर्भात महाद्वीपीय प्लेट्सच्या भेटीमुळे उच्च ज्वालामुखी (Volcano) आणि भूकंपीय क्रिया होतात.
(हेही वाचा – Rahul Shewale : धारावी प्रकल्पाबाबत ठाकरे यांच्याकडून दिशाभूल; राहुल शेवाळे यांचा आरोप)
ज्वालामुखी पाहण्याची क्रेझ
एन्सायक्लोपीडिया ऑफ टुरिझम (Encyclopedia of Tourism) नावाच्या पुस्तकानुसार, ज्वालामुखी पाहण्याची क्रेझ लोकांमध्ये हजारो वर्षे जुनी आहे. इतिहासकारांच्या मते, 17व्या आणि 18व्या शतकात, युरोपमधील अतिश्रीमंत पर्यटक ज्वालामुखीची फेरफटका मारत असत. ते इटलीतील व्हेसुव्हियस आणि एटना ज्वालामुखी पाहण्यासाठी जाणार होते. 2017 मध्ये न्यूझीलंडमध्ये ज्वालामुखीचा उद्रेक झाल्यानंतर ज्वालामुखी पर्यटन (Volcano tourism) हा चर्चेचा विषय बनला होता. या अपघातात 16 पर्यटकांना जीव गमवावा लागला होता. (Indonesia Volcano Eruption)
हेही पहा –
Join Our WhatsApp Community