ऋजुता लुकतुके
Indo – Pak Trade : पहलगाममध्ये निष्पाप पर्यटकांवर झालेल्या दहशतवादी हल्ल्यानंतर भारताने कठोर राजनयिक पावलं उचलायला सुरुवात केली. आणि त्यातच एक भाग म्हणून सिंधू जल करार स्थगित (Indus Water Treaty Suspended) करण्याच्या घोषणेबरोबरच अटारी – वाघा सीमेवरून होणारा व्यापारही एकतर्फी बंद (Border trade) केला आहे. शिवाय पाकिस्तानच्या भारतात असलेल्या नागरिकांचे व्हिसाही भारताने रद्द केले. फक्त सीमा बंद करून भारत थांबलेला नाही तर भारताकडून पाकिस्तानला होणारी काही वस्तूंची निर्यातही भारताकडून बंद करण्यात येणार आहे. आणि पाकिस्तानवर एक प्रकारचा सर्जिकल स्ट्राईकच असेल. (Indo – Pak Trade)
(हेही वाचा –Bangladeshi Infiltrator : सुरत, अहमदाबादमध्ये घुसखोरांविरुद्ध मोठी कारवाई ! ५०० हून अधिक बांगलादेशी ताब्यात )
कारण, २०२४ मध्ये भारताकडून पाकिस्तानला १.२१ अब्ज अमेरिकन डॉलरची निर्यात झाली होती. मागच्या पाच वर्षांतील हा उच्चांक होता. दैनंदिन जीवनात वापरात असणारी विविध प्रकारची फळे आणि भाजीपाला आणि अनेक प्रकारच्या खाद्यपदार्थांची निर्यात भारत पाकिस्तानला करतो. यामध्ये बटाटे, कांदे आणि लसूण यांचा समावेश आहे. तसेच डाळ, हरभरा आणि बासमती तांदूळही भारतातून पाकिस्तानात पाठवले जातात. याशिवाय पाकिस्तान भारतातून आंबा, केळी यांसारखी अनेक हंगामी फळे आयात केली जातात.
भारतीय चहा जगभरात प्रसिद्ध आहे. आसाम आणि दार्जिलिंगमधून सुगंधित चहाची पानेही पाकिस्तानात पाठवली जातात. याशिवाय भारत पाकिस्तानला मिरची, हळद, जिरे असे विविध प्रकारचे मसाले पाठवतो. यासोबतच भारतातून पाकिस्तानला निर्यात होणाऱ्या इतर वस्तूंमध्ये सेंद्रिय रसायने, औषधी, साखर आणि मिठाई यांचा समावेश होतो. पाकिस्तानातून भारतात येणाऱ्या वस्तूंमध्ये सिमेंट, रॉक सॉल्ट, मुलतानी माती, कापूस, चामडे, काही वैद्यकीय उपकरणांचा समावेश आहे. याशिवाय पेशावरी चप्पल आणि लाहोरी कुर्तेही पाकिस्तानातून भारतात आयात केले जातात.
अमृतसरपासून अवघ्या २८ किलोमीटर अंतरावर असलेले अटारी हे भारतातील पहिले लँड पोर्ट आहे. भारत आणि पाकिस्तान यांच्यातील व्यापार अटारी-वाघा सीमेवरून होतो, त्यामुळे १२० एकरांवर पसरलेला आणि थेट राष्ट्रीय महामार्ग-१ शी जोडलेला हा चेक पॉईंट व्यापारात, विशेषतः अफगाणिस्तानमधून होणाऱ्या आयातीत महत्त्वाची भूमिका बजावत आहे.
(हेही वाचा – Pahalgam Terror Attack : जम्मू – काश्मीरमधून आतापर्यंत ८०० प्रवासी सुखरूप परतले !)
अटारी-वाघा कॉरिडॉरवरील (Attari-Wagah Corridor) व्यापारात गेल्या काही वर्षांत अनेक चढ-उतार झाले आहेत. जेथे २०१७-१८ आणि २०१८-१९ मध्ये व्यापार सुमारे ४१०० ते ४३०० कोटी रुपयांचा होता. त्याच वेळी, ते २०१९-२० मध्ये २७७२ कोटी रुपये आणि २०२०-२१ मध्ये २,६३९ कोटी रुपयांपर्यंत खाली आले. २०२२-२३ मध्ये, व्यापार आणखी घसरला आणि फक्त २,२५७.५५ कोटी रुपये राहिला. तर २०२३-२४ मध्ये मोठी झेप घेत दोन्ही देशांमधील व्यापार ३,८८६ कोटी रुपयांपर्यंत वाढला. २०२३-२४ मध्ये या मार्गावरून ६,८७१ ट्रकने प्रवास केला आणि ७१,५६३ प्रवाशांनी वाघा बॉर्डरवरून येजा केली आहे.
हेही पहा –
Join Our WhatsApp Community