IMF Aid to Pakistan : आंतरराष्ट्रीय नाणेनिधी पाकिस्तानला मदत करणार का? शुक्रवारी होईल फैसला

• ऋजुता लुकतुके

आंतरराष्ट्रीय नाणेनिधी अर्थात आयएमएफचं कार्यकारी मंडळ पाकिस्तानला उर्वरित कर्जाचा हफ्ता म्हणून १.३ अब्ज अमेरिकन डॉलर द्यायचे की नाही, यावर लवकरच निर्णय घेणार आहे. हे कर्ज पर्यावरणपूरक उपक्रम राबवण्यासाठी द्यायचं आहे. पण, आधीच्या कर्जाचं पाकिस्तानने काय केलं आणि नवीन कर्ज वापरण्यासाठी त्यांच्याकडे कुठली योजना तयार आहे याचा आढावा घेऊन नवीन कर्जाविषयीचा निर्णय नाणेनिधीला घ्यायचा आहे. पण, भारत अर्थातच याला जोरदार विरोध करेल. पहलगाममध्ये झालेल्या दहशतवादी हल्ल्यानंतर भारताने पाकिस्तान विरुद्ध ऑपरेशन सिंदूर मोहीम सुरू केली आहे. (IMF Aid to Pakistan)

आणि पाकिस्तानकडून दहशतवाद्यांना थारा दिला जात असल्याचे पुरावेही भारताने आंतरराष्ट्रीय स्तरावर सादर केले आहेत. अशावेळी दहशतवादाला पाठिंबा देणाऱ्या देशाला आर्थिक मदत दिली जाऊ नये अशीच भारताची भूमिका असणार आहे. नाणेनिधीची बैठक शुक्रवारी रात्री सुरू होईल., विस्तारित निधी सुविधा अंतर्गत पाकिस्तानला देण्यात येणाऱ्या ७ अब्ज डॉलर (सुमारे ५९ हजार कोटी रुपये) च्या मदतीचा पहिला आढावा देखील घेतला जाणार आहे. या पॅकेजचा पुढील हप्ता पाकिस्तानला द्यायचा की नाही हे बैठकीत ठरवले जाईल. (IMF Aid to Pakistan)

(हेही वाचा – India Pak War: सीमेवरील चकमकीत मुंबईचा जवान हुतात्मा; मुख्यमंत्र्यांनी वाहिली श्रद्धांजली)

जुलै २०२४ मध्ये पाकिस्तान आणि आयएमएफ यांनी तीन वर्षांच्या ७ अब्ज अमेरिकन डॉलर्सच्या मदतनिधीवर शिक्कामोर्तब केलं आहे. याचा वापर पाकिस्तानची अर्थव्यवस्था मजबूत करण्यासाठी नवीन कार्यक्रम राबवताना होणार आहे. पाकिस्तानच्या कामगिरीचा आढावा घेऊन त्यानंतर उर्वरित हफ्ता जारी करायचा की नाही याचा निर्णय नाणेनिधीकडून अपेक्षित आहे. भारताने पाकिस्तानला दिलेल्या १.३ अब्ज डॉलर्सच्या कर्जावर आक्षेप घेतला होता आणि म्हटले होते की पाकिस्तानला दिलेल्या पैशाचा वापर दहशतवादाला चालना देण्यासाठी होऊ शकतो म्हणून त्याचा पुनर्विचार करावा. (IMF Aid to Pakistan)

तथापि, आयएमएफने भारताची विनंती स्वीकारण्यास नकार दिला आहे. नियोजित कार्यक्रमानुसार ते ९ मे रोजी पाकिस्तानला देण्यात येणाऱ्या कर्जाचा आढावा घेतील. २२ एप्रिल रोजी पहलगाम येथे झालेल्या क्रूर दहशतवादी हल्ल्यानंतर शेजारील राज्याला राजनैतिकदृष्ट्या कोंडीत पकडण्याचा प्रयत्न करत असताना, भारत शुक्रवारी म्हणाला की, ते आयएमएफ, जागतिक बँक आणि आशियाई विकास बँकेसह जागतिक बहुपक्षीय संस्थांना पाकिस्तानला दिलेल्या निधी आणि कर्जांवर पुनर्विचार करण्यास सांगेल. प्रत्यक्षात, पहलगाम हल्ल्यात २६ पर्यटकांचा मृत्यू झाला होता. (IMF Aid to Pakistan)

(हेही वाचा – India Pakistan War : इस्त्रायली जनता का म्हणत आहे Thank You India ?; २३ वर्षांनी मिळाला पत्रकाराला न्याय)

आयएमएफ ही एक आंतरराष्ट्रीय संस्था आहे जी देशांना आर्थिक मदत पुरवते, सल्ला देते आणि त्यांच्या अर्थव्यवस्थेवर लक्ष ठेवते. या संस्थेचा मुख्य संघ कार्यकारी मंडळ आहे. ही टीम कोणत्या देशाला कर्ज द्यायचे, कोणती धोरणे अंमलात आणायची आणि जागतिक अर्थव्यवस्थेवर कसे काम करायचे हे पाहते. त्यात २४ सदस्य असतात ज्यांना कार्यकारी संचालक म्हणतात. प्रत्येक सदस्य एका देशाचे किंवा देशांच्या गटाचे प्रतिनिधित्व करतो. भारताचा एक स्वतंत्र प्रतिनिधी आहे. आयएमएफमध्ये भारताच्या वतीने कोण आपले विचार मांडतो. तसेच आयएमएफच्या धोरणांमुळे देशाचे नुकसान होणार नाही याचीही खात्री केली जाते. जर संघटना कोणत्याही देशाला कर्ज देणार असेल तर भारताच्या बाजूने त्यावर मत दिले जाते. (IMF Aid to Pakistan)

हेही पहा –