Fire : राज्यात उन्हाचा तडाखा वाढत असताना अनेक आगीच्या घटनेत वाढ झाली आहे. अशीच एक घटना मुंबईतील (Mumbai) अंधेरी परिसरात (Andheri Fire news) घडली आहे. अंधेरी येथील एका निवासी इमारतीला आग लागल्याने एकाचा मृत्यू झाला. तर सहा जणांना रुग्णालयात दाखल करण्यात आले. शनिवारी सकाळी अंधेरी (पश्चिम) येथील लोखंडवाला येथील अशोक अकादमी लेनजवळील (Academy Lane) ब्रोक लँड इमारतीत आग लागली. ही घटना पहाटे २:३९ वाजता नोंदवण्यात आली असून, पहाटे ३:१३ वाजता लेव्हल-१ आग घोषित करण्यात आली. (Fire)
(हेही वाचा – Tesla Cyber Truck in India : भारतात पहिला टेस्ला सायबर ट्रक दाखल, गुजरातच्या एका व्यापाऱ्याने घेतला विकत )
मुंबई अग्निशमन दलाच्या (Mumbai Fire Brigade) माहितीनुसार, अंधेरी इमारतीतील आग तळमजल्यावरील आठ मजली इमारतीच्या पहिल्या मजल्यावरील खोली क्रमांक १०४ मध्येच लागली. त्यात विजेच्या तारा, स्प्लिट आणि विंडो एसी युनिट्स, लाकडी फर्निचर, कागदपत्रे, गाद्या, कपडे आणि इतर घरगुती वस्तूंचे नुकसान झाले. तसेच या इमारतीतील आग सकाळी ५:३० वाजेपर्यंत पूर्णपणे विझवण्यात आली. धुरामुळे कोंडी झालेल्या राहिवाशांची अग्निशमन दलाच्या कर्मचाऱ्यांनी सुखरूप सुटका झाली. मात्र, जखमींना उपचारासाठी कोकिलाबेन हॉस्पिटल (Kokilaben Hospital), कूपर हॉस्पिटल आणि ट्रॉमा हॉस्पिटलमध्ये नेण्यात आले.
पीडितांपैकी एक, अभिना कार्तिक संजनवालिया (३४) यांना कोकिलाबेन रुग्णालयात दाखल करण्यापूर्वी डॉ. सिद्धार्थ आणि डॉ. आकाश यांनी मृत घोषित केले. कार्तिक संजनवालिया (४०) यांना कूपर हॉस्पिटलच्या आयसीयूमध्ये दाखल करण्यात आले असून सध्या ते डॉक्टरांच्या निरीक्षणाखाली आहेत. कोकिलाबेन रुग्णालयात दाखल करण्यात आलेल्या जखमी रुग्णांमध्ये अपर्णा गुप्ता (४१), दया गुप्ता (२१), रिहान गुप्ता (३) आणि १० दिवसांचे बाळ प्रद्युम्ना यांचा समावेश आहे.
(हेही वाचा – Pahalgam Terror Attack: पर्यटकांना त्यांच्या धर्माबद्दल विचारणाऱ्या ‘पोनी ऑपरेटर’ला गंदरबलमधून अटक ; काय आहे प्रकरण ?)
या सर्व रुग्णांवर डॉक्टर सिद्धार्थ यांच्या देखरेखीखाली आयसीयूमध्ये उपचार सुरू आहेत. धुरामुळे त्रस्त पोलम गुप्ता (४०) यांच्यावर ट्रॉमा हॉस्पिटलच्या कॅज्युअल्टी वॉर्डमध्ये उपचार करण्यात येत आहे.
हेही पहा –
Join Our WhatsApp Community