दूरसंचार विभागाने सिमकार्डशी संबंधित नियमांमध्ये मोठा बदल केला आहे. त्यामुळे आता ग्राहकांना प्रीपेडमधून पोस्टपेडमध्ये किंवा पोस्टपेडमधून प्रीपेडमध्ये स्विच करणे पूर्वीपेक्षा अधिक सोपे होणार आहे. दूरसंचार विभागाने या प्रक्रियेत बदल करत 30 दिवसांत पुन्हा एकदा रुपांतरणाची परवानगी दिली आहे. पूर्वी ही मर्यादा 90 दिवसांची होती. (Department of Telecommunications)
(हेही वाचा – India Tour of England : शुभमन गिलचं भारतीय कर्णधार म्हणून पहिलं फोटो-शूट; विराट, रोहितशिवाय चांगलं खेळण्याचा केला पण)
नव्या नियमांनुसार, कनेक्शन स्विच केल्यानंतर (म्हणजे प्रीपेडवरून पोस्टपेड किंवा पोस्टपेडवरून प्रीपेड) केवळ 30 दिवसांत पुन्हा एकदा स्विच करता येईल. उदाहरणार्थ, जर प्रीपेडमधून पोस्टपेडमध्ये गेल्यावर ग्राहकाला तो प्लॅन आवडला नाही किंवा महाग वाटला, तर 30 दिवसांच्या आत पुन्हा प्रीपेडमध्ये येता येईल. पूर्वी यासाठी 90 दिवस थांबावे लागत होते. मात्र, इथे एक गोष्ट लक्षात घेणे महत्त्वाचे आहे की, ही 30 दिवसांची सवलत केवळ पहिल्यांदाच मिळेल. त्यानंतर जर ग्राहकाला पुन्हा कनेक्शन बदलायचे असेल, तर पूर्वीप्रमाणेच 90 दिवसांची मर्यादा लागू होईल. म्हणजेच, ग्राहक वारंवार 30 दिवसांच्या आत बदल करु शकणार नाही. (Department of Telecommunications)
(हेही वाचा – Shani Shingnapur : देवस्थानातील १६७ कर्मचाऱ्यांची हकालपट्टी, यात ११४ मुस्लिम कर्मचाऱ्यांचा समावेश; कारण नेमकं काय?)
जे ग्राहक 30 किंवा 90 दिवसांच्या मर्यादेपूर्वी आपले कनेक्शन बदलू इच्छितात, त्यांना ओटीपी प्रक्रियेचे पालन करावे लागेल. अनेकदा असे दिसून येते की, लोक प्रीपेडमधून पोस्टपेडमध्ये स्विच करतात, पण नंतर त्यांना प्लॅन महाग वाटू लागतो किंवा सेवेबद्दल ते समाधानी नसतात. अशावेळी पुन्हा प्रीपेडमध्ये जाण्यासाठी 90 दिवसांचा लॉक-इन कालावधी असल्याने त्यांना त्रास व्हायचा. दूरसंचार विभागाने ही अडचण आता दूर केली आहे. या बदलामुळे ग्राहकांना अधिक लवचिकता मिळेल आणि ते आपल्या गरजेनुसार प्लॅन निवडू शकतील अशी अपेक्षा आहे. (Department of Telecommunications)
हेही पहा –
Join Our WhatsApp Community