Biporjoy Cyclone : बिपोरजॉय चक्रीवादळ…. धोक्याचा इशारा

आयएमडीचे वरिष्ठ शास्त्रज्ञ डॉ. राजेंद्र कुमार जनमानी यांच्या मते केरळमध्ये मान्सून उशिरा दाखल होऊ शकतो, परंतु काळजी करण्यासारखे काही नाही.

191
Biporjoy Cyclone : बिपोरजॉय चक्रीवादळ.... धोक्याचा इशारा

वंदना बर्वे

मान्सून साधारणपणे 1 जून रोजी केरळमध्ये दाखल होतो. मात्र यावर्षी हवामान खात्याने 4 जूनचा अंदाज व्यक्त केला होता. व्यक्त केलेल्या अंदाजानुसार मान्सून दाखल झालेला नाही, पण अरबी समुद्रात तयार झालेले बिपोरजॉय (Biporjoy Cyclone) हे चक्रीवादळ आपल्या दिशेने नक्कीच सरकत आहे. 8 राज्यांमध्ये वादळी वाऱ्यासह मुसळधार पावसाचा इशारा देण्यात आला आहे.

आयएमडीचे वरिष्ठ शास्त्रज्ञ डॉ. राजेंद्र कुमार जनमानी यांच्या मते केरळमध्ये मान्सून उशिरा दाखल होऊ शकतो, परंतु काळजी करण्यासारखे काही नाही. त्यांनी सांगितले की, मान्सूनचे आगमन उशिरा झाले म्हणजे पाऊस कमी होईल असे नाही.

(हेही वाचाBiporjoy Cyclone : राज्यात १६ जूनपर्यंत पावसाची शक्यता)

स्वातंत्र्य मिळाल्यापासून आतापर्यंत केवळ 6 वेळा मान्सून त्याच्या नियोजित तारखेला म्हणजेच 1 जून रोजी केरळमध्ये पोहोचला आहे. 25 मे पूर्वी 11 वेळा मान्सून दाखल झाला, तर 7 जूननंतर 11 वेळा मान्सून दाखल झाला. दुसरीकडे, 13 जून रोजी मान्सूनचे आगमन झालेल्या आठ वर्षांमध्ये 1983 चा देखील समावेश आहे, ज्यामध्ये सामान्यपेक्षा 10% जास्त पाऊस झाला होता. ज्या 14 वर्षांमध्ये दुष्काळ होता, त्यापैकी नऊ वेळा मान्सून 1 जूनपूर्वी दाखल झाला
हवामान विभागाने दिलेल्या माहितीनुसार, सोमवारी सकाळी पूर्व-मध्य आणि लगतच्या दक्षिण-पूर्व अरबी समुद्रावर चक्रीवादळ निर्माण झाले. 24 तासांनंतर त्याचे चक्रीवादळात रूपांतर झाले. अरबी समुद्रातील वर्षातील पहिल्या मान्सूनपूर्व वादळाला बांगलादेशने नाव दिले आहे. (Biporjoy Cyclone)

हवामान खात्याने सांगितले की, बुधवारी (७ जून) सकाळी 5.30 वाजता बिपोरजॉय चक्रीवादळाचे (Biporjoy Cyclone) स्थान गोव्याच्या पश्चिम-नैऋत्येस सुमारे 890 किमी अंतरावर होते. ते उत्तरेकडे सरकण्याची शक्यता आहे. लक्षद्वीप, कर्नाटक, गोवा आणि महाराष्ट्र, तमिळनाडू, गुजरात, केरळ आणि आंध्र प्रदेशच्या किनारी भागात पुढील 5 दिवस जोरदार वाऱ्यासह मुसळधार पावसाचा इशारा देण्यात आला आहे.

7 ते 10 जून दरम्यान बिपोरजॉय चक्रीवादळ (Biporjoy Cyclone) कुठे असेल

7 जून: पूर्व-मध्य, पश्चिम-मध्य आणि दक्षिण-पूर्व अरबी समुद्रावर 100 किमी प्रतितास वेगाने वारे. नंतर हा वेग 115 किमी/तास होईल. दक्षिण अरबी समुद्राच्या पश्चिम-मध्य आणि लगतचा भाग आणि उत्तर केरळ, कर्नाटक आणि गोव्याच्या किनारपट्टीला या वादळाचा सर्वाधिक फटका बसण्याची शक्यता आहे.

8 जून: वाऱ्याचा वेग 115 ते 125 किमी प्रतितास पर्यंत वाढेल आणि संध्याकाळपर्यंत 140 किमी प्रतितास होईल. त्यामुळे कर्नाटक, गोवा आणि महाराष्ट्राच्या किनारी भागाला सर्वाधिक फटका बसणार आहे.

9 जून : बिपोरजॉय हे वादळ (Biporjoy Cyclone) दक्षिण अरबी समुद्र, कर्नाटक आणि गोवा-महाराष्ट्राच्या किनारपट्टीच्या भागात मजबूत पकड घेईल. या दरम्यान, 135 ते 145 किमी/ताशी वेगाने वारे वाहतील, जे संध्याकाळपर्यंत 160 किमी/ताशी वेगाने वाहू शकता.

10 जून: वाऱ्याचा वेग 145 किमी/ताशी वादळी वारे 170 किमी/तास या भागांवर येईल.
या भागातील समुद्रात उपस्थित असलेल्या मच्छिमारांना 10 जूनपर्यंत किनारपट्टीवर परतण्याचा आणि समुद्रात न जाण्याचा इशारा हवामान खात्याने दिला आहे.

हेही पहा – 

Join Our WhatsApp Community
Get The Latest News!
Don’t miss our top stories and need-to-know news everyday in your inbox.