राज्याच्या शालेय शिक्षण मंत्री वर्षा गायकवाड यांना कोरोनाची बाधा झाली आहे. कोरोनाची लागण झाल्याची माहिती त्यांनी स्वत: आपल्या अधिकृत ट्विटर हॅंडलवरुन ट्विट करुन दिली आहे. वर्षा गायकवाड या कालच्या अधिवेशनात हजर असल्याने चिंता वाढली आहे. वर्षा गायकवाड यांनी काल कोरोना सदृश्य लक्षणं जाणवत होती, त्यानंतर मी स्वत: ला आयसोलेट करुन घेतलं असल्याचं सांगितलं आहे. गेल्या काही दिवसांपासून संपर्कात आलेल्या व्यक्तींनी कोरोना चाचणी करुन घ्यावी, असं वर्षा गायकवाड यांनी आवाहन केलं आहे.
असं आहे ट्विट
आपल्या ट्वीटमध्ये वर्षा गायकवाड म्हणतात, मला आज सकाळी कळलं, की माझी करोना चाचणी पॉझिटिव्ह आली आहे. काल संध्याकाळपासून मला सौम्य लक्षणं जाणवू लागली आहेत. माझी प्रकृती सध्या स्थिर असून मी विलगीकरणात आहे. गेल्या काही दिवसांमध्ये जे लोक माझ्या संपर्कात आले आहेत त्यांनी खबरदारी घ्यावी, असं आवाहन करत आहे.
I learned today that I tested positive for COVID-19 after first feeling symptoms yesterday evening. My symptoms are relatively mild. I'm fine and have isolated myself. Request those who met me the past few days to take precautions.
— Prof. Varsha Eknath Gaikwad (@VarshaEGaikwad) December 28, 2021
(हेही वाचा :‘किशोरवयीन’ मुलांना मिळणार लस, अशी करा ‘कोविन’ अॅपवर नोंदणी )