मनसेसोबत युतीचा विचार! Uddhav Thackeray यांची माजी नगरसेवकांसोबत महत्त्वपूर्ण बैठक

• प्रतिनिधी 

मुंबई महानगरपालिका निवडणुकीच्या पार्श्वभूमीवर शिवसेना उबाठा पुन्हा युतीचा पर्याय तपासत असून, मनसेसोबत युती करावी का? यासंदर्भात पक्षप्रमुख उद्धव ठाकरे (Uddhav Thackeray) यांनी माजी नगरसेवकांची थेट विचारणा केली. मातोश्रीवर पार पडलेल्या या महत्त्वाच्या बैठकीत युतीबाबत सकारात्मक भूमिका माजी नगरसेवकांनी घेतली. “युती झाली तर नक्कीच फायद्याचा सौदा ठरेल,” अशी त्यांची स्पष्ट कबुली होती.

शिवसेना उबाठाचे मत – कार्यकर्त्यांचा विश्वास महत्त्वाचा

“महानगरपालिकेसाठी कोणासोबत युती करायची हे मी तुम्हाला विश्वासात घेऊनच ठरवेन,” असे उद्धव ठाकरे (Uddhav Thackeray) यांनी स्पष्ट केले. यावेळी त्यांनी माजी नगरसेवकांना शिवसेना भवन येथे येऊन सामान्यांचे प्रश्न सोडवण्याचे आवाहन केले. तसेच लवकरच शिवसेना भवनमध्ये निवडणूक कार्यालय सुरू होणार असल्याची माहितीही दिली.

(हेही वाचा – Pandharpur Wari : पालखी सोहळ्यासाठी ३५०० पोलिस तैनात ; साध्या आणि वारकऱ्यांच्या वेशातही पोलीस)

निवडणुकीचा अंदाज आणि कार्यकर्त्यांचा निर्धार

या बैठकीत उद्धव ठाकरे (Uddhav Thackeray) यांनी आगामी मुंबई महापालिका निवडणुका ऑक्टोबर-नोव्हेंबरमध्ये लागू शकतात, असा अंदाज व्यक्त केला. यावर प्रतिक्रिया देताना माजी नगरसेवक सुरेश पाटील यांनी सांगितले की, “उद्धवसाहेब म्हणाले निवडणुका जवळ आहेत, त्यामुळे त्या वेळी महापालिकेवर भगवा फडकवायचा असा आमचा निर्धार झाला आहे.”

५० टक्के नगरसेवकांचा आधीच शिवसेनेत प्रवेश

यावेळी झालेल्या बैठकीत ३० पेक्षा कमी माजी नगरसेवक उपस्थित होते. कारण याआधीच जवळपास ५० टक्के नगरसेवक शिवसेनेत सामील झाले आहेत. त्यामुळे शिवसेना उबाठासमोर संघटनात्मक आव्हानही आहे. तरीही उपस्थित नगरसेवकांनी सांगितले की, “सध्या वातावरण युतीसाठी अनुकूल आहे. एकत्रित आंदोलने होत आहेत. कार्यकर्ते समन्वयाने काम करत आहेत.”

(हेही वाचा – Iran – Israel War प्रकरणी रशियाची प्रतिक्रिया, जगाला आण्विक युद्धाच्या उंबरठ्यावर आणून ठेवले)

ठळक मुद्दे – युतीसाठी चर्चेला गती

• उद्धव ठाकरे (Uddhav Thackeray) यांची स्पष्ट भूमिका – कार्यकर्त्यांचा सल्ला घेऊनच निर्णय
• युतीबाबत सकारात्मकता व्यक्त करणारे माजी नगरसेवक
• निवडणुका लवकर लागू होण्याचा अंदाज
• शिवसेना भवनमध्ये लवकरच निवडणूक कार्यालय सुरू होणार
• मनसेसोबतची युती मुंबईतील राजकारणाला देऊ शकते नवे वळण

मुंबई महापालिकेवर पुन्हा भगवा फडकवण्यासाठी शिवसेना उबाठा प्रयत्नशील आहे. मनसेसोबतची युती हीच शिवसेना उबाठाच्या नव्याने उभारणीसाठी निर्णायक ठरू शकते, असा सूर सध्या कार्यकर्त्यांमध्ये उमटत आहे.

हेही पहा –