भारतीय जनता पक्षाने (भाजपा) निवडणुकीसाठी आधीच तयारी सुरू केली आहे. शनिवारी (2 मार्च) देशभरातील १९५ लोकसभा जागांसाठी उमेदवारांची घोषणा झाल्यानंतर आता पंतप्रधान नरेंद्र मोदींचा (PM Narendra Modi) कार्यक्रम जाहीर झाला आहे. त्यानुसार येत्या १० दिवसात पंतप्रधान मोदींचे २९ कार्यक्रम नियोजित करण्यात आले आहेत.
(हेही वाचा – CM Eknath Shinde : छत्रपती संभाजी महाराजांच्या लौकिकाला साजेशी स्मारकस्थळे उभारणार)
१० दिवसांत करणार १२ राज्यांचा दौरा :
पंतप्रधान मोदी (PM Narendra Modi) देशभरातील १२ राज्ये/केंद्रशासित प्रदेशांमधील २९ कार्यक्रमांमध्ये सहभागी होणार आहेत. यामध्ये तेलंगणा, तामिळनाडू, ओडिशा, पश्चिम बंगाल, बिहार, जम्मू आणि काश्मीर, आसाम, अरुणाचल प्रदेश, उत्तर प्रदेश, गुजरात, राजस्थान आणि दिल्ली यांचा समावेश आहे. एएनआय या वृत्तसंस्थेच्या म्हणण्यानुसार, पंतप्रधान मोदी विश्रांती न घेता राज्यांना भेट देतील आणि अनेक विकास प्रकल्पांचे उद्घाटन, समर्पण आणि पायाभरणी करतील.
चार दिवसात पाच राज्यांचा मॅरेथॉन दौरा :
नियोजित वेळापत्रकानुसार, पंतप्रधान मोदी (PM Narendra Modi) ४ ते ७ मार्च दरम्यान तेलंगणा, तामिळनाडू, ओडिशा, पश्चिम बंगाल आणि जम्मू-काश्मीर या पाच राज्यांचा मॅरेथॉन दौरा करणार आहेत. त्यानंतर ते तामिळनाडूला रवाना होतील. त्यानंतर ते चेन्नई येथे जाहीर सभेला संबोधित करतील.
कोलकाता येथे अनेक विकास प्रकल्पांचे उद्घाटन :
दुसऱ्या दिवशी, ५ मार्चला ते संगारेड्डी येथे असतील. त्याच दिवशी दुपारी ते ओडिशातील चंडीखोल जाजपूर येथे सरकारी कार्यक्रमासह जाहीर सभेला संबोधित करतील. ६ मार्च रोजी पंतप्रधान मोदी कोलकाता येथे अनेक विकास प्रकल्पांचे उद्घाटन, लोकार्पण आणि पायाभरणी करणार आहेत. (PM Narendra Modi)
पंतप्रधान मोदी ७ मार्च रोजी जम्मू-काश्मीर दौऱ्यावर :
त्यानंतर पंतप्रधान (PM Narendra Modi) बिहार दौऱ्यावर निघतील आणि बेतिया येथे अनेक विकास प्रकल्पांचे उद्घाटन, समर्पण आणि पायाभरणी करतील. पंतप्रधान मोदी ७ मार्च रोजी जम्मू-काश्मीरला भेट देणार आहेत. मिशन ३७० प्लसच्या जागांसाठीच्या प्रचारसभेलाही ते संबोधित करणार आहेत. ८ मार्च रोजी पंतप्रधान दिल्लीत होणाऱ्या पहिल्या राष्ट्रीय निर्माते पुरस्कार सोहळ्याला उपस्थित राहणार आहेत. त्याच संध्याकाळी पंतप्रधान आसामला भेट देतील. ९ मार्च रोजी पंतप्रधान अरुणाचल प्रदेशला भेट देतील. पंतप्रधान मोदी सेला बोगद्याचे उद्घाटन करणार आहेत. त्यानंतर पंतप्रधान मोदी इटानगरमध्ये अनेक विकास प्रकल्पांचे उद्घाटन, लोकार्पण आणि पायाभरणी करतील.
(हेही वाचा – Deepak Kesarkar यांनी जाहीर केली ‘मुख्यमंत्री माझी शाळा, सुंदर शाळा’ अभियानातील विजेत्या शाळांची नावे)
अरुणाचल प्रदेशातून पंतप्रधान मोदी (PM Narendra Modi) आसामला जातील आणि आसामच्या जोरहाटमध्ये लचित बारफूकन यांच्या पुतळ्याचे अनावरण करतील. त्यानंतर पंतप्रधान मोदी पश्चिम बंगालला भेट देतील आणि पश्चिम बंगालमधील सिलीगुडी येथे अनेक विकास प्रकल्पांचे उद्घाटन, समर्पण आणि पायाभरणी करतील. तेथे ते जाहीर सभेलाही संबोधित करतील.
उत्तर प्रदेश, गुजरात, दिल्ली येथील कार्यक्रम :
१० मार्च रोजी पंतप्रधान मोदी (PM Narendra Modi) उत्तर प्रदेशला भेट देतील आणि आझमगड येथून विविध प्रकल्प राष्ट्राला समर्पित करतील. ११ मार्च रोजी पंतप्रधान नवी दिल्लीतील पुसा येथे नमो ड्रोन दीदी आणि लखपती दीदीशी संबंधित कार्यक्रमाला उपस्थित राहणार आहेत. त्यानंतर ते द्वारका द्रुतगती मार्गाच्या हरियाणा विभागाचे उद्घाटन करतील. संध्याकाळी पंतप्रधान डीआरडीओच्या एका कार्यक्रमाला उपस्थित राहणार आहेत.
(हेही वाचा – Indian Navy: भारतीय नौदलाच्या जहाजातून जम्मूचा नौसैनिक ६ दिवसांपासून बेपत्ता)
गुजरात आणि आसाममधील तीन महत्त्वाच्या सेमीकंडक्टर प्रकल्पांची पायाभरणी :
१२ मार्च रोजी पंतप्रधान गुजरातमधील साबरमतीला भेट देतील. त्यानंतर पंतप्रधान मोदी (PM Narendra Modi) राजस्थानला जातील आणि जैसलमेर जिल्ह्यातील पोखरणला भेट देतील. १३ मार्च रोजी पंतप्रधान व्हिडिओ कॉन्फरन्सिंगद्वारे गुजरात आणि आसाममधील तीन महत्त्वाच्या सेमीकंडक्टर प्रकल्पांची पायाभरणी करतील. यानंतर पंतप्रधान व्हिडिओ कॉन्फरन्सिंगद्वारे समाजातील वंचित लोकांशी संवाद साधणार आहेत.
हेही पहा –
Join Our WhatsApp Community