राज्यातील सहकार क्षेत्राच्या सक्षमीकरणासाठी यशवंतराव चव्हाण प्रतिष्ठान येथे झालेल्या महत्त्वपूर्ण परिसंवादात मुख्यमंत्री एकनाथ शिंदे, उपमुख्यमंत्री देवेंद्र फडणवीस, नितीन गडकरी, अजित पवार आणि राष्ट्रवादीचे अध्यक्ष शरद पवार (Sharad Pawar) हे एकाच व्यासपीठावर आले. या उपस्थितीने राजकीय वर्तुळात वेगळ्याच चर्चांना उधाण आले आहे.
कार्यक्रमानंतर झालेल्या माध्यमांबरोबर संवादात उपमुख्यमंत्री एकनाथ शिंदे यांना अजित पवारांसोबत एका गाडीतून येण्याबाबत विचारले असता, शिंदे यांनी मिश्कील शैलीत उत्तर दिले, “मागे पण इंजिन एकच होतं, आता देखील तेच आहे.” त्यांच्या या विधानाने उपस्थितांमध्ये हास्याची लाट उसळली, मात्र राजकीय वर्तुळात याचा वेगळा अर्थ काढला जात आहे. शरद पवारांसोबतच्या (Sharad Pawar) उपस्थितीवरही शिंदे यांनी स्पष्टीकरण देताना सांगितले की, ‘हा कार्यक्रम सहकार विभागाचा आहे. शरद पवार (Sharad Pawar) यांनी या क्षेत्रात मोठं योगदान दिलं आहे. मी मुख्यमंत्री असतानाही ते जनतेच्या हिताचे मुद्दे मांडत होते, आजही ते तेच करत आहेत. त्यामुळे कोणाच्या पोटात दुखायचं काहीच कारण नाही, असे ते म्हणाले.
या कार्यक्रमात मुख्यमंत्री देवेंद्र फडणवीस आणि नितीन गडकरी यांनी सहकार क्षेत्राच्या विकासाबाबत आपली मते मांडली. अजित पवार यांनी राज्यातील सहकार क्षेत्राच्या नव्या दिशा आणि धोरणांवर प्रकाश टाकला. राजकीयदृष्ट्या महत्वाच्या मानल्या जाणाऱ्या मान्यवरांच्या उपस्थितीने आगामी राजकीय समीकरणांच्या चर्चांना आणखी बळ दिले आहे.
Join Our WhatsApp Community